قىتايدا مەكتەپ جانىندا اۆتوبۋس وقۋشىلاردى تاپتاپ وتكەن

استانا. KAZINFORM - قىتايدىڭ شىعىسىندا مەكتەپ قاقپاسى جانىندا بولعان جول-كولىك وقيعاسىنان كەمىندە 10 بالا جاپا شەكتى، دەپ حابارلايدى Xinhua اقپارات اگەنتتىگى.

قىتايدىڭ شىعىسىنداعى شاندۋڭ پروۆينسياسىنداعى تايان قالاسىندا ورتا مەكتەپتىڭ جانىندا اۆتوبۋس جول اپاتىنا ۇشىراۋى سالدارىنان 10 نان استام بالا زارداپ شەككەن (قازا بولعاندارى بار، ءبىراق سانى ناقتىلانباعان).

وقيعا سەيسەنبى كۇنى تاڭعى ساعات 07:00-دە تايان قالاسىنداعى جەرگىلىكتى مەكتەپتەردىڭ ءبىرىنىڭ جانىندا بولعان. وقۋشىلار مىنگەن جالدامالى اۆتوبۋس جول جيەگىمەن مەكتەپكە بارا جاتقان بالالاردى كەنەتتەن تاپتاپ وتكەن.

كۇردەلى جول اپاتى سالدارىنان وننان استام بالا زارداپ شەكتى. اگەنتتىك ازىرگە قازا تاپقاندار مەن زارداپ شەككەندەر تۋرالى ناقتى مالىمەت بەرگەن جوق. وقيعانىڭ سەبەپتەرى ناقتىلانىپ جاتىر.

اۆتور
زارينا تۋعانبايەۆا