قىتايدا كىشكەنتاي دينوزاۆر ىزدەرى تابىلدى

استانا. kazinform-قىتايدىڭ سولتۇستىك-باتىسىنداعى گانسۋ پروۆينتسياسىندا الەمدەگى ەڭ كىشكەنتاي دينوزاۆردىڭ ءىزى تابىلدى، دەپ جازادى ت ا س س.

جەرگىلىكتى مۇراجاي قىزمەتكەرلەرى «ليۋتسزياسيا» دينوزاۆرلار مەملەكەتتىك گەولوگيالىق پاركىنىڭ اۋماعىنان نوسەر جاۋىننان كەيىن شامامەن 1 دەن 3 س م- گە دەيىنگى تاسقا اينالىپ كەتكەن بەس تابان ىزدەرىنىڭ تىزبەگىن تاپتى، دەپ حابارلايدى گەوپارك ورنالاسقان يۋڭجيڭ وكرۋگى اكىمشىلىگىنىڭ سايتى.

«بۇعان دەيىن مۇنداي ىزدەر سىچۋان وزەنىنىڭ باسسەينىندە، سونداي-اق شاندۋڭ پروۆينتسياسىندا (شىعىس قىتاي) جانە كورەيا رەسپۋبليكاسىندا تابىلعان»، - دەيدى قىتايدىڭ جەر تۋرالى عىلىمدار ۋنيۆەرسيتەتىنىڭ دوتسەنتى شين ليدا.

ونىڭ پىكىرىنشە، سوڭعى تابىلعان بۇل كەسىرتكەلەر ءبىر كەزدەرى كەڭ تاراعانىن بولجايدى. بۇل وسى ايماقتارداعى دينوزاۆرلاردىڭ گەولوگيالىق جاسىن جانە ارتۇرلىلىگىن زەرتتەۋ ءۇشىن ماڭىزدى. عالىم ىزدەردى زەرتتەۋ «دينوزاۆرلار مينياتيۋريزاتسياسىنا جاڭا كوزقاراس اشادى، قۇستار ەۆوليۋتسياسىنىڭ نەگىزگى قادامى» دەپ سانايدى.