قىتايدا كوپىر وپىرىلىپ، 11 ادام قازا تاپتى
12:02, 20 - شىلدە 2024
استانا. KAZINFORM - سەنبى كۇنى تاڭەرتەڭگى جاعداي بويىنشا، قىتايدىڭ سولتۇستىك- باتىسىنداعى شانشي پروۆينتسياسىندا تاس جول كوپىرىنىڭ ءبىر بولىگى وپىرىلىپ، 11 ادام قازا تاپتى. بۇل تۋرالى شينحۋا اگەنتتىگى حابارلادى.
«جاشۋي ۋەزى شانلو قالاسىندا ورنالاسقان كوپىر جۇما كۇنى كەشكى ساعات 20:40 شاماسىندا كەنەتتەن جاۋعان جاڭبىر مەن سۋ تاسقىنى سالدارىنان قۇلادى»، - دەپ حابارلادى جەرگىلىكتى بيلىك.
سەنبى كۇنى تاڭەرتەڭگى جاعداي بويىنشا قۇتقارۋشىلار وزەنگە قۇلاعان بەس كولىكتى تاپتى. قۇتقارۋ جۇمىستارى جالعاسىپ جاتىر.