قىتايدا كوشكىن سالدارىنان قازا بولعاندار سانى 20 ادامعا جەتتى

استانا. KAZINFORM - قىتايدىڭ وڭتۇستىك-باتىسىنداعى يۋننان پروۆينتسياسىندا كوشكىن سالدارىنان قازا بولعاندار سانى 20 ادامعا جەتتى.

جەرگىلىكتى بيلىكتىڭ مالىمەتىنشە، دۇيسەنبى كۇنى ەلدىڭ وڭتۇستىك-باتىسىنداعى يۋننان پروۆينتسياسىنىڭ كەنتىندە كوشكىن ءجۇرۋى سالدارىنان قازا بولعاندار سانى 20 ادامعا جەتتى. تابيعي اپات سالدارىن جويۋ بويىنشا جەرگىلىكتى شتابتىڭ مالىمەتىنشە، 24 ادام ءىز-ءتۇسسىز جوعالعان.

ىزدەۋ-قۇتقارۋ جۇمىستارىنا 1000 نان استام قۇتقارۋشى قوسىلدى، ولاردىڭ اراسىندا كينولوگتار مەن يتتەر بار. 150 دەن استام تەحنيكا بىرلىگى جۇمىلدىرىلعان. كەنتتىڭ 918 تۇرعىنى قاۋىپسىز جەرگە ەۆاكۋاتسيالاندى.

توتەنشە جاعداي يۋننان پروۆينتسياسىنداعى چجاوتۋن قالاسى اۋدانىندا دۇيسەنبى كۇنى بەيجىڭ ۋاقىتىمەن ساعات 06:00 دە ورىن الدى. قازىرگى كەزدە ىزدەۋ-قۇتقارۋ جۇمىستارى جالعاسىپ جاتىر.