قىتايدا جۇمىسسىزدىق دەڭگەيى تاعى دا ءوستى

استانا. KAZINFORM - رەسمي دەرەككە سايكەس، 2024 -جىلدىڭ اقپان ايىندا قىتايدا جاستار اراسىنداعى جۇمىسسىزدىق دەڭگەيى %16,9- عا جەتكەن.

قىتايدىڭ ۇلتتىق ستاتيستيكا بيۋروسى بۇگىن جاريالاعان مالىمەتتەرگە سايكەس، قاڭتار، اقپان ايلارىندا قىتايداعى جۇمىسسىزدىق دەڭگەيى 16-24 جاس ارالىعىنداعى (مەكتەپ وقۋشىلارى مەن ستۋدەنتتەر قامتىلمايدى) جۇمىس كۇشى اراسىندا ,1- دان ,9- عا؛ 25-29 جاس ارالىعىنداعى (ستۋدەنتتەر قامتىلمايدى) جۇمىس كۇشى اراسىندا %6,9- دان %7,3- عا؛ 30-59 جاس ارالىعىنداعى جۇمىس كۇشى اراسىندا %4- دان %4,3- عا كوتەرىلگەن.

سونىمەن قاتار اقپان ايىندا قالالىق جەرلەردە انىقتالعان جۇمىسسىزدىق دەڭگەيى %5,4- عا جەتىپ، سوڭعى ەكى جىلداعى ەڭ جوعارى كورسەتكىشتى كورسەتتى.

2023 -جىلدىڭ ماۋسىم ايىندا قىتايدا 16-24 جاس ارالىعىنداعى جۇمىس كۇشى اراسىندا جۇمىسسىزدىق دەڭگەيى !,3- عا دەيىن كوتەرىلگەن بولاتىن. ىزىنشە قىتاي بيلىگى «جۇمىسسىزدىق تۋرالى ستاتيستيكاسىن جەتىلدىرۋ قاجەتتىلىگىنە» بايلانىستى جاس توپتارى بويىنشا جۇمىسسىزدىق كورسەتكىشتەرىن جاريالاۋدى ۋاقىتشا توقتاتقان ەدى.

ءتيىستى دەرەكتەر تەك 2024 -جىلدىڭ قاڭتارىنان كەيىن قايتا جاڭارتىلا باستادى، الايدا مەكتەپ وقۋشىلارى مەن ستۋدەنتتەر 16-24 جانە 25-29 جاس ارالىعىنداعى جۇمىس كۇشىنىڭ قۇرامىنا قامتىلمايتىن بولدى.

ەسكە سالا كەتەيىك، بۇعان دەيىن قىتايدا شەتەلدىك ينۆەستيتسيانىڭ ناقتى كولەمى وتكەن ەكى ايدا - عا ازايعانىن جازعان ەدىك.

اۆتور

ەرلان مازان