قىتايدا جاساندى ينتەللەكت سالاسىنداعى بىرنەشە عالىم كەنەتتەن قايتىس بولدى

قىتايدا جاساندى ينتەللەكت سالاسىندا جۇمىس ىستەگەن بىرنەشە عالىمنىڭ كەنەتتەن كوز جۇمۋى قوعام نازارىن اۋدارتتى، دەپ حابارلايدى El.kz اقپارات اگەنتتىگى.

بۇل جاعداي تۋرالى South China Morning Post (SCMP) باسىلىمى حابارلادى. جۋرناليستەردىڭ مالىمەتىنشە، قايتىس بولعان مامانداردىڭ بارلىعى جاساندى ينتەللەكت باعىتىندا جۇمىس ىستەپ كەلگەن جانە ولاردىڭ ءولىمى كۇتپەگەن اۋرۋلار نەمەسە جازاتايىم وقيعالار سالدارىنان بولعان.

ماسەلەن، 2022 -جىلى بەيجىڭدەگى Megvii Technology كومپانياسىنىڭ 45 جاستاعى قىزمەتكەرى سۋن جيان كەنەتتەن قايتىس بولدى. ال 2023 -جىلى 38 جاستاعى زەرتتەۋشى فىڭ يانحى دۇنيەدەن وزدى. سول جىلى جاساندى ينتەللەكت سالاسىنىڭ تاعى ءبىر تانىمال مامانى - 55 جاستاعى پروفەسسور تان سياوۋ دا ومىردەن ءوتتى. ول گونكونگتاعى قىتاي ۋنيۆەرسيتەتىندە ساباق بەرگەن جانە IT سالاسىنداعى الپاۋىت SenseTime كومپانياسىنىڭ نەگىزىن قالاعان بولاتىن.

SCMP تىلشىلەرى پىكىرلەسكەن ساراپشىلار بۇل جاعدايلاردىڭ جيىلەۋى الاڭداۋشىلىق تۋدىرىپ وتىرعانىن اتاپ ءوتتى. ولاردىڭ ايتۋىنشا، بۇل ولىمدەر قىتاي مەن ا ق ش اراسىنداعى تەحنولوگيالىق باسەكەلەستىكتىڭ كۇشەيۋى اياسىندا سالانىڭ ماماندارىنا تۇسەتىن اۋىر قىسىمنىڭ سالدارى بولۋى مۇمكىن.

عالىمداردىڭ ومىردەن ەرتە كەتۋى قىتايداعى جاساندى ينتەللەكت يندۋسترياسىنىڭ بولاشاعىنا دا اسەر ەتۋى مۇمكىن دەگەن الاڭداۋشىلىقتار ايتىلۋدا.