قىتايدا جانارمايدىڭ جاڭا ءتۇرىن ويلاپ تاپتى

 قىتايدا كارىزگە جينالعان قالدىقتاردان اۆياتسيالىق بيوجانارماي ءوندىرىلدى. قاجەتتى شيكىزاتقا اسقا پايدالانعان سۇيىق مايدىڭ قالدىقتارى قولدانىلادى. عالىمدار بۇل ەكولوگيالىق جانارمايدى حيميالىق جولمەن قايتا وڭدەپ جاساپ شىعارعان.

جاڭالىقتىڭ ارتىقشىلىعى ءداستۇرلى رەاكتيۆتى وتىنعا قاراعاندا اۋاعا كومىرقىشقىل گازى � كە از شىعادى. مامانداردىڭ ايتۋىنشا، ونى قولدانۋ ءۇشىن ۇشاقتى دا، ونىڭ قوزعالتقىشىن دا جاڭعىرتۋدىڭ قاجەتى جوق. مۇنايدان وندىرىلگەن وتىنمەن ارالاستىرۋعا بولادى. العاشقى سىناق ءساتتى شىعىپ، قازىر 12 اۋە رەيسى وسى جانارمايدى قولدانىپ ءجۇر. ءبىراق قۇنى ازىرگە رەاكتيۆتى وتىننان 5 ەسە قىمبات.

چەن يۋي، Tianzhou new energy كومپانياسىنىڭ باس ديرەكتورى:

- بۇل بيوجانارمايدى الۋ ءۇشىن الدىمەن شيكىزات تولىق تازارتىلادى. ودان كەيىن مايدى ىدىراتىپ، سۇيىق وتىنعا اينالدىرۋ ءۇشىن سۋتەگى قوسىلادى. وڭدەۋ كەزىندە ول كومىرقىشقىل گازىن سىڭىرەدى. جانارمايدى پايدالانۋ كەزىندە كومىرتەگىنىڭ ءبولىنۋى ارتاتىن. ءبىراق ءبىز ونى ايتارلىقتاي ازايتتىق. كەلەشەكتە زياندى قالدىقتار مۇلدەم شىقپايتىنداي ەتۋ جاعىن زەرتتەپ جاتىرمىز.

https://24.kz