قىتايدا جاڭا تۇرگە جاتۋى مۇمكىن دينوزاۆر قالدىقتارى تابىلدى

استانا. KAZINFORM - پالەونتولوگتەر قىتايدا جاڭا تۇرگە جاتۋى مۇمكىن جاسى 90 ميلليون جىلعا جەتەتىن دينوزاۆر قالدىقتارىن تاپتى، دەپ جازادى ت ا س س.

بور داۋىرىنە جاتاتىن قاڭقا 2021 -جىلى شىعىس تسزيانسي پروۆينتسياسىنىڭ حانچجوۋ قالاسىنداعى قۇرىلىس الاڭدارىنىڭ بىرىندە تابىلعان.

Xinhua اگەنتتىگىنىڭ مالىمەتىنشە، زەرتتەۋ بارىسىندا عالىمدار قالدىقتاردىڭ تيتانوزاۆرلاردىڭ جاڭا تۇرىنە جاتاتىنىن انىقتادى جانە ونى Gandititan cavocaudatus دەپ اتادى.

تابىلعان سۇيەكتەردىڭ ىشىندە ەڭ جاقسى ساقتالعانى - ومىرتقا سۇيەك. ول ارقىلى دينوزاۆردىڭ جالپى ۇزىندىعى شامامەن 14 مەتر ەكەنىن بولجاۋعا بولادى.

«بۇل - بور داۋىرىندەگى ءتۇردىڭ ەۆوليۋتسياسى مەن تارالۋىن زەرتتەۋ ءۇشىن وتە ماڭىزدى جاڭالىق»، - دەيدى عالىمدار.