قىتايدا ءوتىپ جاتقان ازيا ويىندارىندا تورەشىنىڭ اياعىنا بالعا قۇلادى
اياعىنا بالعا تۇسكەن ازيا ويىندارى تورەشىسىنىڭ جاعدايى ءبىرقالىپتى، دەپ حابارلايدى قازاقپارات اگەنتتىگى The Guardian باسىلىمىنا سىلتەمە جاساپ.
اياعىنا بالعا تۇسكەن ازيا ويىندارى تورەشىسىنىڭ جاعدايى ءبىرقالىپتى، دەپ حابارلايدى قازاقپارات اگەنتتىگى The Guardian باسىلىمىنا سىلتەمە جاساپ.
حاڭجوۋداعى ازيا ويىندارىندا كۋۆەيت سپورتشىسى الي زانكاۆي بالعا لاقتىرۋ بويىنشا جارىستىڭ فينالىندا ونەر كورسەتتى. ءبىراق بالعا بەلگىلەنگەن باعىتىنان تايقىپ، تەحنيكالىق رەفەريدىڭ اياعىنا تۇسكەن. تەحنيكالىق قىزمەتكەر تەمىر توردىڭ ارتىندا وتىرادى، سوعان قاراماستان ونىڭ اياعىنا سالماعى 7,26 كەلى تەمىر بالعا ءتۇستى. تور بالعانىڭ ءۇشى قارقىنىن تەجەگەنىمەن، ونى توقتاتا المايدى.
الي زانكاۆي زارداپ شەككەن تورەشىگە جۇگىرىپ بارىپ، جاراسىن تاڭىپ، قان اعۋىن توقتاتتى. كەيىنىرەك مەديتسينا قىزمەتكەرلەرى ونى اۋرۋحاناعا جەتكىزىپ، وڭ جاقتاعى اسىقتى جىلىك سىنعان دەگەن دياگنوز قويدى.
وسى وقيعادان كەيىن الەۋمەتتىك جەلى قولدانۋشىلارى رەفەري مەن باسقا دا تەحنيكالىق قىزمەتكەرلەردىڭ قاۋىپسىزدىگىن قامتاماسىز ەتۋدى تالاپ ەتتى.
جارىس قورىتىندىسى بويىنشا، الي زەنكاۆي 8-ورىن يەلەنىپ، ماۋسىمداعى ءوزىنىڭ ۇزدىك ناتيجەسىن كورسەتتى - 67,57 م.