قىتايدا ءبىر قالانى سۋ شايىپ كەتتى

استانا. قازاقپارات - قىتايدىڭ ءبىر قالاسىن تۇتاستاي سۋ شايىپ كەتتى. وقيعا لياونيڭ پروۆينسياسىندا بولدى، دەپ حابارلايدى Baq. kz.

تولاسسىز نوسەر جاۋىننان وزەندەر ارناسىنان تاسىپ كەتكەن. حۋلۋداو شاھارىندا 7 مىڭ ادام قاۋىپسىز جەرگە كوشىرىلدى. تاسقىن سۋدىڭ قۇرساۋىندا قالعان 100 دەن استام تۇرعىن قۇتقارىلدى.

ەلدىڭ سولتۇستىك- شىعىسىنداعى 28 ەلدى مەكەندە جارىق پەن بايلانىس ۇزىلگەن. زارداپ شەككەندەر تىكۇشاقپەن شىعارىلىپ جاتىر.

ايماقتا توتەنشە جاعداي جاريالاندى.