قىتايدا «ءبىر بەلدەۋ، ءبىر جول» ىنتىماقتاستىق مەديافورۋمى ءوتىپ جاتىر
استانا. قازاقپارات - 16-قىركۇيەكتە قىتايدىڭ وڭتۇستىگىندەگى كۋنميڭ قالاسىندا (يۋننان پروۆينسياسى) ەكى كۇندىك «ءبىر بەلدەۋ، ءبىر جول» ىنتىماقتاستىق مەديافورۋمى-2025 ءوز جۇمىسىن باستادى، دەپ حابارلايدى Kazinform ءتىلشىسى.
فورۋمدى بۇكىل قىتايلىق حالىق وكىلدەرى جينالىسى تۇراقتى كوميتەتى ءتوراعاسىنىڭ ورىنباسارى جەن جيانبان سالتاناتتى تۇردە اشتى. سونداي-اق ق ك پ پروۆينسيالىق كوميتەتىنىڭ حاتشىسى ۆاڭ نيڭ، ق ك پ و ك ناسيحات ءبولىمى جەتەكشىسىنىڭ ورىنباسارى ۆاڭ گان، «جەنمين جيباو» گازەتىنىڭ پرەزيدەنتى يۋي شاوليان جانە باسقا دا جەتەكشىلەر قۇتتىقتاۋ ءسوز سويلەدى.
فورۋم بارىسىندا «ءبىر بەلدەۋ، ءبىر جول» باستاماسىنىڭ حالىقارالىق ىنتىماقتاستىقتى تەرەڭدەتۋدەگى ءرولى تالقىلاندى. ق ح ر ءتوراعاسى شي جينپيڭنىڭ جاقىندا ش ى ۇ+ سامميتىندە سويلەگەن سوزىندە ادىلدىك، تەڭدىك جانە تۇراقتى دامۋعا باعىتتالعان جاھاندىق باسقارۋدىڭ جاڭا تاسىلدەرىن ۇسىنعانى ەرەكشە اتاپ ءوتىلدى.
ءىس-شارانىڭ وزەكتى تاقىرىپتارىنىڭ ءبىرى كولىك- لوگيستيكالىق ىنتىماقتاستىقتى دامىتۋ بولدى. ق ح ر كولىك ۆيتسە-ءمينيسترى لي يان ترانسكاسپي حالىقارالىق كولىك باعىتىنىڭ قىتاي- ەۋروپا باعىتىنداعى تاسىمالداۋدى كەڭەيتۋدەگى ەرەكشە ءرولىن، وتكەن جىلعى شىلدەدە ق ر پرەزيدەنتى قاسىم-جومارت توقايەۆ پەن ق ح ر ءتوراعاسى شي جينپيڭنىڭ ت ح ك ب بويىمەن اۆتوموبيل جانە تەمىرجول قاتىناسىن ىسكە قوسۋىنىڭ ماڭىزدىلىعىن اتاپ ءوتتى.
فورۋمعا قازاقستان، قىرعىزستان، تاجىكستان جانە وزبەكستان سياقتى 87 ەلدەن، حالىقارالىق جانە ايماقتىق ۇيىمداردان 200 دەن استام شەتەلدىك وكىل قاتىسىپ جاتىر. شارا جۇمىسىنا بارلىعى 165 ب ا ق جانە مامانداندىرىلعان مەكەمە جۇمىلدىرىلعان.
فورۋم اياسىندا اشىلۋ سالتاناتى، پلەنارلىق وتىرىس، «ءبىر بەلدەۋ، ءبىر جول» ەلدەرى اراسىنداعى باق ىنتىماقتاستىعى بويىنشا ديالوگ، تاقىرىپتىق سەكسيالىق پىكىرتالاس، «جىبەك جولى» كوممۋنيكاتسياسى سالاسىندا ەكىنشى حالىقارالىق سىيلىقتى تابىستاۋ ءراسىمى ءوتتى. ا س ە ا ن ەلدەرى مەن «10+3» فورماتىنداعى (قىتاي، جاپونيا، كورەيا رەسپۋبليكاسى) ب ا ق ىنتىماقتاستىعىنا ەرەكشە نازار اۋدارىلدى.
شارانى «جەنمين جيباو» گازەتى، ق ك پ يۋننان پروۆينسياسى كوميتەتى جانە يۋننان پروۆينسياسى حالىق ۇكىمەتى ۇيىمداستىردى. بيىلعى فورۋمنىڭ باستى تاقىرىبى - «وركەنيەتتەردىڭ ءوزارا بايۋىنا ىقپال ەتەتىن ب ا ق-تىڭ ورتاق جاۋاپكەرشىلىگى».
بۇعان دەيىن قازاقستاندا ەلارالىق ب ا ق-تى دامىتۋعا ارنالعان «ورتالىق ازيا - قىتاي» مەديافورۋمى ۇيىمداستىرىلعانىن جازعان بولاتىنبىز. شارادا ورتالىق ازيا ەلدەرى مەن قىتاي ەلى مەديا سالاسى ماماندارى باس قوسىپ، پىكىر الماسۋعا مۇمكىندىك العان.