قىتايدا بيىل 2 ميلليونعا جۋىق اجىراسۋ جاعدايى تىركەلدى

بەيجىڭ. KAZINFORM - قىتايدا نەكەگە تۇرۋ كورسەتكىشى تومەندەپ بارادى. 2016 -جىلى «ءبىر وتباسى، ءبىر بالا» ساياساتى جويىلعانىمەن، قىتايدا بالا تۋۋ كورسەتكىشى تومەندەپ، حالىقتىڭ قارتايۋ قارقىنى ارتىپ كەلەدى، دەپ حابارلايدى Kazinform مەنشىكتى ءتىلشىسى.

ق ح ر ازاماتتىق ىستەر مينيسترلىگىنىڭ مالىمەتىنشە، 2024 -جىلدىڭ العاشقى ءۇش توقسانىندا 4,75 ميلليون نەكە تىركەلگەن، بۇل ءبىر جىل بۇرىنعىدان 943 مىڭعا از.

بۇل رەتتە، ۆەدومستۆونىڭ مالىمەتىنشە، 2024 -جىلدىڭ وسى كەزەڭىندە اجىراسۋ سانى 1,967 ميلليون بولدى.

قىتايداعى حالىق سانىنىڭ ازايۋى اياسىندا ق ح ر مەملەكەتتىك كەڭەسى 28-قازاندا «تۋۋدى ىنتالاندىرۋ تۋرالى» سيركۋليار جاريالادى.

بيىلعى جىلدىڭ 10-قازانى مەن 30-قاراشاسى ارالىعىندا قىتايدا حالىق سانىنىڭ وزگەرۋىن انىقتاۋ ءۇشىن حالىق اراسىندا ىرىكتەمەلىك دەموگرافيالىق زەرتتەۋ جۇرگىزىلىپ وتىر.

ق ح ر باس ستاتيستيكالىق باسقارماسىن (ب س ب) كەلەسى پارامەترلەر قىزىقتىرادى: ازاماتتىڭ جاسى، جىنىسى، ءبىلىم دەڭگەيى، جۇمىسپەن قامتىلۋى، وتباسى جاعدايى، بالالاردىڭ بولۋى.

قىتاي حالقىنىڭ سانى ەكىنشى جىل قاتارىنان ازايىپ كەلەدى. 2023 -جىلى قىتاي حالقىنىڭ سانى 2,08 ميلليون ادامعا ازايىپ، 1,409 ميلليارد بولدى.

بۇعان دەيىن حابارلاعانىمىزداي، قىتايدا سوڭعى ەكى جىلدا 20 مىڭنان استام بالاباقشا جابىلدى.

اۆتور

زارينا تۋعانبايەۆا