قىتايدا بالالار اراسىندا ميكوپلازمالىق پنەۆمونيا ءورشىدى

قىتايدا ميكوپلازمالىق پنەۆمونيا ينفەكسياسى سياقتى رەسپيراتورلىق اۋرۋلار تارالىپ جاتىر، دەپ حابارلايدى Kazinform.

قىتايلىق اقپارات قۇرالدارىنىڭ حابارلاۋىنشا، كوپتەگەن اۋرۋحانا ناۋقاسقا تولى جانە ولاردىڭ كوپشىلىگى - كىشكەنتاي بالالار. الەۋمەتتىك جەلىدە تاراعان بەينەجازبالاردان دارىگەرگە كورىنىپ، ءدارى-دارمەك الۋ ءۇشىن كەزەك كۇتىپ وتىرعان اتا-انالار مەن بالالاردى كورۋگە بولادى.

سوڭعى ەكى ايداعى ەسەپ بويىنشا، قىتايدىڭ وڭتۇستىگىندەگى جىجياڭ پروۆينسياسىندا ميكوپلازمالىق پنەۆمونيا ينفەكسياسىن جۇقتىرعان بالالار سانى وتكەن جىلدىڭ سايكەس كەزەڭىمەن سالىستىرعاندا 17,8 ەسە وسكەن. ال قىتاي استاناسى بەيجىڭدە ءبىر اۋرۋحانا كۇنىنە 7 مىڭنان استام ناۋقاستى قابىلداعان.

دۇنيەجۇزىلىك دەنساۋلىق ساقتاۋ ۇيىمى قىتايعا رەسپيراتورلىق اۋرۋلار مەن بالالارداعى پنەۆمونيانىڭ ءورشۋى تۋرالى تولىق اقپارات الۋ ءۇشىن رەسمي سۇراۋ جىبەردى.

دۇنيەجۇزىلىك دەنساۋلىق ساقتاۋ ۇيىمى قىتاي بيلىگى رەسپيراتورلىق اۋرۋلاردىڭ كوبەيۋىن COVID-19 شەكتەۋلەرىنىڭ جويىلۋىمەن جانە بەلگىلى پاتوگەندەردىڭ اينالىمىمەن بايلانىستىرادى دەپ مالىمدەدى.