قىتايدا اسكەري ۇشاق اپاتقا ۇشىرادى

استانا. KAZINFORM - قىتايدىڭ وڭتۇستىگىندەگى اسكەري وقۋ-جاتتىعۋ كەزىندە جويعىش ۇشاق اپاتقا ۇشىرادى.

شينحۋا اگەنتتىگىنىڭ حابارلاۋىنشا، اسكەري ۇشاق حاينان پروۆينتسياسىنىڭ لينگاو وكرۋگىندەگى قالا ماڭىنداعى اشىق اۋماققا قۇلاعان.

اپات سالدارىنان زارداپ شەككەندەر تۋرالى اقپارات جوق. ۇشقىش پاراشيۋتپەن سەكىرىپ، امان قالعان.

عالامتوردا تاراعان بەينەجازباعا قاراعاندا، اپاتقا ۇشىراعان ۇشاق قىتاي حالىق ازاتتىق ارمياسىنىڭ J-15 جويعىش ۇشاعى بولۋى مۇمكىن.

قىتاي حالىق ازاتتىق ارمياسىنىڭ وڭتۇستىك اسكەري-تەڭىز كۇشتەرى قولباسشىلىعى وقيعانىڭ سەبەپتەرى انىقتالىپ جاتقاندىعىن جاريالادى.

بۇعان دەيىن، دەنۆەر (كولورادو) حالىقارالىق اۋەجايىندا American Airlines جولاۋشىلار ۇشاعى كەنەتتەن ورتەنىپ كەتكەنىن حابارلاعان ەدىك.