استانا. KAZINFORM - وزبەكستاندا دۇنيەگە كەلگەن، قازىرگى كەزدە رەسەي ازاماتى، فوربس تىزىمىندەگى مۋلتيميللياردەر الىشەر ۋسمانوۆ حالىقارالىق سەمسەرلەسۋ فەدەراتسياسىنىڭ (FIE) پرەزيدەنتتىگىنە كانديداتۋراسىن ۇسىندى.
ول بۇل ۇيىمدى 2008-2022-جىلدار ارالىعىندا باسقارىپ كەتكەن. كەيىن رەسەي ۋكرايناعا سوعىس اشقان سوڭ، 2022-جىلدىڭ ناۋرىزىندا ەۋروپا وداعى تاراپىنان سالىنعان سانكسيالارعا بايلانىستى وكىلەتتىگىن توقتاتتى.
IE رەسمي سايتىنداعى اقپاراتقا سايكەس، ۋسمانوۆتىڭ كانديداتۋراسىن رەسەي، بەلارۋس، سەربيا جانە قىتايدى قوسا العاندا، 103 ەلدىڭ ۇلتتىق فەدەراتسيالارى قولداعانىن جازدى. ۋسمانوۆتىڭ جالعىز قارسىلاسى شۆەد وتتو دراكەنبەرگ بولماق. ونىڭ كانديداتۋراسىن تەك شۆەتسيا عانا قولدادى.
جاڭا پرەزيدەنت 30-قاراشادا ۇيىمنىڭ تاشكەنتتە وتەتىن سەزىندە سايلانادى. ازىرگە فەدەراتسيانى گرەك ەممانۋەل كاتسياداكيس باسقارىپ ءجۇر.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.