قىتايدا العاش رەت توعىزقۇمالاقتان ەل بىرىنشىلىگى باستالدى

استانا. KAZINFORM - قىتايدا توعىزقۇمالاقتان العاشقى ەل چەمپيوناتى باستالدى.

Chinanews سايتىنىڭ حابارلاۋىنشا، ءداستۇرلى توعىزقۇمالاق سپورتىن كەڭىنەن تانىتۋعا باعىتتالعان اشىق تۋرنير شينجاڭ ۇيعىر اۆتونوميالىق ولكەسى موري قازاق اۆتونوميالىق اۋدانىندا ءوتىپ جاتىر.

ايتا كەتەرلىگى، بۇل - توعىزقۇمالاقتان ءوىتپ جاتقان العاشقى ەل چەمپيوناتى. ءۇش كۇنگە سوزىلاتىن بايراقتى باسەكەگە بەيجىڭ، گانسۋ، تسينحاي جانە ىشكى موڭعول سىندى 6 ولكە- قالادان 60 ادام قاتىسىپ جاتىر.

ىشكى موڭعول اۆتونوميالى ولكەسىنەن كەلگەن قاتىسۋشىنىڭ ايتۋىنشا، وسىنداي شارالار ءار ۇلتتار اراسىنداعى مادەني الماسۋدى ىلگەرلەتەدى.

- بۇل جولى ءارتۇرلى پروۆينتسيالار مەن قالالاردان كەلگەن شەبەرلەرمەن باسەكەگە تۇسۋگە مۇمكىندىگىمىز بار. توعىزقۇمالاق تەك ويلاۋ سىناعى ەمەس، سونىمەن قاتار شاحمات شەبەرلىگىمەن تاجىريبە الماسۋعا، سونداي-اق ءتۇرلى ۇلت وكىلدەرىنىڭ مادەني الماسۋىن ىلگىرلەتەدى. كوڭىل- كۇيدى كوتەرىپ، ەڭبەكقورلىققا ۇمتىلۋدىڭ سپورتتىق رۋحىن كورسەتە الادى، - دەدى ول.

وسىعان دەيىن حابارلاعانىمىزداي، توعىزقۇمالاق ويىنى قىتايدا ءبىرشاما تانىمال. 2015 -جىلى شينجاڭ- ۇيعىر اۆتونوميا ولكەسىندە شاحمات تۇرلەرى قوعامىنا قاراستى توعىزقۇمالاق سپورتى ارنايى كوميتەتى قۇرىلدى. بۇل قادام وسى ينتەلتەكتۋالدى ويىننىڭ قىتايدا دامۋىنا ايتارلىقتاي سەرپىن بەردى.

2016 -جىلى توعىزقۇمالاق ويىنى ءۇرىمجى قالالىق ماتەريالدىق ەمەس مادەني مۇرا تىزىمىنە ەندى.

ال 2022 -جىلى قىتايدىڭ ۇزدىك ۇلتتىق سپورت ءتۇرى بولىپ باعالاندى.

اۆتور

مۇحتار قاليموللا ۇلى