قىتايدا العاش رەت روبوتتار فۋتبول تۋرنيرىنە قاتىستى
استانا. KAZINFORM - بەيجىڭدە روبوتتار اراسىنداعى العاشقى جارىس ءوتتى، دەپ حابارلايدى شينحۋا.
سەنبى كۇنى بەيجىڭدە قىتاي تاريحىندا العاش رەت روبوتتاردىڭ قاتىسۋىمەن فۋتبول ءتۋرنيرى ۇيىمداستىرىلدى.
شينحۋا اقپارات اگەنتتىگى جاريالاعار سۋرەتتەردە الاڭعا جاسىل جانە كۇلگىن جەيدە كيگەن روبوتتاردى كورۋگە بولادى. دەگەنمەن جارىستىڭ قانداي ەسەپپەن اياقتالعانى حابارلانباعان.
بۇل الەم جۇرتشىلىعىن تاڭعالدىرىپ وتىرعان العاشقى روبوتتار ەمەس. بۇعان دەيىن قىتايدىڭ جياڭسۋ پروۆينتسياسىنداعى روبوت كومپانياسى وزدەرى ازىرلەگەن سياوتاو ەسىمدى روبوتتى حاڭجوۋ قالاسىنداعى Manycore Tech Inc كومپانياسىنا «وقۋعا» جىبەرگەنى بەلگىلى بولدى. قازىر ول اۋەجايلار، پيلوتسىز ءدارىحانالار، ينتەللەكتۋالدى ساقتاۋ ورتالىقتارى ستسەنارييلەرىندەگى تاپسىرمالاردى ءساتتى ورىنداي باستادى.
بۇدان بولەك قىتايدا گۋمانويد روبوتتاردىڭ العاشقى جەكپە- جەگى وتكەن ەدى. جەكپە- جەككە قاتىسقان Unitree G1 كومپانياسىنىڭ فلاگماندىق ادام ءتارىزدى روبوتىنىڭ بيىكتىگى - 1,32 مەتر، سالماعى - 35 كەلى. ول جەتىلدىرىلگەن ەسەپتەۋ قۋاتىمەن جانە ءبىرقالىپتى قوزعالىستى باسقارۋمەن جابدىقتالعان.
سونىمەن قاتار ساۋىردە بەيجىڭدە روبوتتاردىڭ مارافونى ۇيىمداستىرىلعانىن جازعانبىز.