قىتايدا العاش رەت «قايتا باعدارلامالانعان» پاندا جاسۋشالارى ءوسىرىلدى

استانا. KAZINFORM - قىتايلىق زەرتتەۋشىلەر العاش رەت قىتايدا سيرەك كەزدەسەتىن جانۋاردىڭ دانەكەر ءتىنىنىڭ قايتا باعدارلامالانعان جاسۋشالارىنان ۇلكەن پاندالاردىڭ تولىققاندى ءدىڭ جاسۋشالارىن الدى.

بۇل جاڭالىق عالىمداردى پاندالار پوپۋلياتسياسىندا گەنەتيكالىق ارتۇرلىلىكتى ارتتىرۋدىڭ جاڭا ادىستەرىن جاساۋعا جاقىنداتادى، دەپ جازادى ت ا س س.

زەرتتەۋشىلەردىڭ Science Advances جۋرنالىندا جاريالاعان عىلىمي ماقالاسىنا سايكەس، قايتا باعدارلامالانعان ءدىڭ جاسۋشالارى جىنىس جاسۋشالارىن قوسا العاندا، دەنە ءتىنىنىڭ كەڭ سپەكترىنە اينالۋعا قابىلەتتى.

«بۇل ولاردى سيرەك كەزدەسەتىن جانە جويىلىپ كەتۋ قاۋپى تونگەن جانۋارلار تۇرلەرىن، سونىڭ ىشىندە گامەتالارىن ۇقساس جاسۋشا ۇرىقتارىنان الۋعا بولاتىن پاندالاردى قۇتقارۋ ءۇشىن پايدالانۋعا مۇمكىندىك بەرەدى»، - دەلىنگەن زەرتتەۋدە.

بۇل جاڭالىقتى گۋاڭجوۋداعى (قىتاي) نەگىزگى رەگەنەراتيۆتى بيولوگيا زەرتحاناسىنىڭ عىلىمي قىزمەتكەرى ليۋ تسزين باسقارعان قىتايلىق مولەكۋلالىق بيولوگتار توبى ۇلكەن پاندالاردىڭ فيبروبلاستتارىن (Ailuropoda melanoleuca) تولىققاندى قايتا باعدارلامالانعان ءدىڭ جاسۋشالارىنا اينالدىرۋ بويىنشا تاجىريبە جۇرگىزۋ بارىسىندا جاسادى.

اۆتور

ەركەجان سماعۇلوۆا