قىتايدا 5 مىڭ جىلدىق بەيىت تابىلدى

استانا. KAZINFORM - ارحەولوگتار ورتالىق قىتايدىڭ حىنان پروۆينسياسىندا شامامەن 5 مىڭ جىل تۇرعان نەوليت داۋىرىنە جاتاتىن مولانى تاپتى، دەپ حابارلايدى تاسس اقپارات اگەنتتىگى.

Xinhua اگەنتتىگىنىڭ حابارلاۋىنشا، بەيىت سول داۋىردەگى جەرگىلىكتى بيلەۋشىگە تيەسىلى دەگەن بولجام بار.

مامانداردىڭ باعالاۋىنشا، ونى جەرلەۋ راسىمىنەن كەيىن كوپ ۇزاماي ادەيى قورلاعان. مارقۇمنىڭ قاڭقاسىنىڭ كوپ بولىگى جوعالىپ كەتكەن، كوپتەگەن سالتاناتتى زاتتار بۇلىنگەن.

عالىمدار يۋنچەن قالاسىندا ورنالاسقان قابىردەن 350-دەن استام بۇيىمدار - كەراميكا، سۇيەك جانە نەفريتتەن جاسالعان بۇيىمداردى انىقتادى. نىساننىڭ اۋدانى 17 شارشى مەتردەن اسادى. تاريحشىلاردىڭ شامالاۋىنشا، ەرتە زاماندا بۇل جەردە «استانامەن سالىستىرۋعا بولاتىن» ۇلكەن ەلدى مەكەن ورنالاسقان.

تابىلعان بەيىت ۆانچۋان دەگەن جەردە ورنالاسقان، وندا كونە قيراندىلار بار جانە سول جەردەن جاڭا ارحەولوگيالىق ولجالار تۋرالى مالىمەتتەر كەلىپ تۇرادى. ارتەفاكتىلەر قىتايدىڭ بۇل بولىگىندە سوناۋ وتكەن زاماندا شىعىس ازيا ايماعىنىڭ ءارتۇرلى مادەنيەتتەرىنىڭ ءوزارا بايۋىنىڭ قارقىندى پروتسەسى بولعانىن راستايدى.

اۆتور
ەركەجان سماعۇلوۆا