اتاپ ايتقاندا، وزبەكستانعا 319 مىڭ توننا استىق ەكسپورتتالدى. بۇل وتكەن جىلدىڭ سايكەس كەزەڭىندەگى كورسەتكىشتەن 20 پايىزعا جوعارى. تاجىكستانعا 116 مىڭ توننا استىق جەتكىزىلىپ، ءوسىم 21 پايىزدى قۇرادى. قىتايعا ەكسپورتتالعان استىق كولەمى 101 مىڭ تونناعا جەتىپ، 2,5 ەسەگە ارتتى.
جالپى، 2026 -جىلعى قىركۇيەكتىڭ العاشقى 20 كۇنىندە 852 مىڭ توننا استىق تاسىمالداندى. بۇل وتكەن جىلدىڭ سايكەس كەزەڭىمەن سالىستىرعاندا 7 پايىزعا ارتىق.
سونىمەن قاتار استىقتى قايتا وڭدەۋ ونىمدەرىنىڭ ەكسپورتى دا ءوسىپ كەلەدى. قىركۇيەكتىڭ العاشقى 20 كۇنىندە ۇن تارتۋ ونىمدەرىن تاسىمالداۋ كولەمى 134 مىڭ توننانى قۇراپ، وتكەن جىلدىڭ سايكەس كەزەڭىمەن سالىستىرعاندا 24 پايىزعا ارتتى.
قازاقستان الەمدىك نارىقتا ازىق-تۇلىكتىڭ سەنىمدى جەتكىزۋشىسى رەتىندەگى ۇستانىمىن تۇراقتى تۇردە نىعايتىپ كەلەدى. 2025-2026 ماركەتينگتىك جىلدىڭ قورىتىندىسى بويىنشا استىق پەن ۇن ەكسپورتى استىق بالاماسىندا 15,5 ميلليون توننانى قۇرادى.
قازاقستاندىق استىق ونىمدەرىنىڭ سىرتقى نارىقتارداعى اۋقىمى كەڭەيىپ كەلەدى. ەكسپورتتىق جەتكىزىلىمدەر ورتالىق ازيا، تاياۋ شىعىس، سولتۇستىك افريكا جانە ەۋروپا ەلدەرىنە جۇزەگە اسىرىلادى.
بيىل دا ەكسپورت قارقىندى دامىپ كەلەدى.
ەكسپورتتىق جەتكىزىلىمدەر كولەمىنىڭ ءوسۋى قازاقستاندىق ونىمدەردىڭ حالىقارالىق نارىقتارداعى اۋقىمىنىڭ كەڭەيىپ كەلە جاتقانىن كورسەتەدى. بۇل رەتتە استىقپەن قاتار ونى قايتا وڭدەۋ ونىمدەرىنىڭ دە ەكسپورت كولەمى ارتىپ وتىر.