استانا. KAZINFORM - جۇما كۇنى قىتاي بيلىگى حۋنان پروۆينتسياسىندا پيروتەحنيكا فابريكاسىنداعى ءىرى جارىلىستان قازا تاپقاندار سانى تۋرالى اقپاراتتى جاڭارتتى. سوڭعى مالىمەت بويىنشا، قازا تاپقاندار سانى 37 ادامعا جەتتى، تاعى ءبىر ادام ءىز-ءتۇزسىز جوعالدى، دەپ حابارلايدى Xinhua.
ناقتىلانعانداي، قايعىلى وقيعا سالدارىنان 51 ادام جاراقات الدى.
زارداپ شەككەندەر دارىگەرلەر باقىلاۋىندا، ولاردىڭ بەسەۋىنىڭ جاعدايى اۋىر، الايدا دارىگەرلەر ولارعا بارىنشا كومەك كورسەتىپ جاتىر.
قازىرگى كەزدە وقيعا ورنىندا جۇرگىزىلىپ جاتقان ىزدەۋ-قۇتقارۋ جۇمىستارى اياقتالۋعا جاقىن.
تەرگەۋ اياسىندا پوليتسيا 8 ادامدى جاۋاپ الۋعا شاقىردى. ولاردىڭ نەمقۇرايدىلىعىنان قايعىلى وقيعا ورىن العان بولۋى مۇمكىن.
بۇعان دەيىن ءۇندىستاندا فەيەرۆەرك فابريكاسىندا بولعان جارىلىستان 23 ادام قازا تاپقانىن جازدىق.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.