جەدەل مالىمەتتەرگە سايكەس، جەر سىلكىنىسى 29 -قازاندا استانا ۋاقىتى بويىنشا تاڭعى ساعات 3:42-دە (28-قازاندا گرينۆيچ ۋاقىتى بويىنشا كەشكى ساعات 22:42-دە) بولعان.
جەر سىلكىنىسىنىڭ ەپيتسەنترى قىتاي حالىق رەسپۋبليكاسىنىڭ شىڭجاڭ- ۇيعىر اۆتونوميالىق ولكەسىنە قاراستى ىلە-قازاق اۆتونوميالىق وبلىسىنىڭ (بۇرتالا- موڭعول اۆتونوميالىق وبلىسىمەن شەكارالاس ايماعى) اۋماعىندا، سولتۇستىك ەندىك بويىنشا 44,33 گرادۋس جانە شىعىس بويلىق بويىنشا 82,71 گرادۋس كوورديناتتاردا ورنالاسقان. بۇل نۇكتە قازاقستاننىڭ جەتىسۋ وبلىسى شەكاراسىنان شامامەن 65 شاقىرىم، ال قىتايدىڭ بۇرتالا قالاسىنان وڭتۇستىك-شىعىسقا قاراي 80 شاقىرىم جەرگە تۋرا كەلەدى.
جەر سىلكىنىسىنىڭ ماگنيتۋداسى 4,8, ال ەنەرگەتيكالىق كلاسى 11 بولدى.
بۇعان دەيىن قىتايدىڭ وسى ايماعىندا 28 -قازان كۇنى كەشكە ماگنيتۋداسى 5,1 بولاتىن تاعى ءبىر جەر سىلكىنىسى تىركەلگەنىن جازعان ەدىك.