استانا. KAZINFORM - قىتايدىڭ سەيسمولوگيالىق باسقارماسى دۇيسەنبىدە سىچۋان پروۆينسياسىنىڭ (وڭتۇستىك- باتىس قىتاي) يبين قالالىق وكرۋگىنىڭ گاوسيان وكرۋگىندە 5,5 بالدىق جەر سىلكىنىسىنەن كەيىن 3-دەڭگەيدەگى جەدەل ارەكەت ەتۋ رەجيمىن ەنگىزدى، دەپ حابارلايدى شينحۋا .
قىتايدىڭ سەيسمولوگيالىق جەلىلەر ورتالىعىنىڭ مالىمەتى بويىنشا، جەر سىلكىنىسى 29-ماۋسىمدا بەيجىڭ ۋاقىتى بويىنشا 00:12-دە بولعان.
ەپيتسەنتر كوورديناتتارى سولتۇستىك ەندىك بويىنشا 28,50 گرادۋس جانە شىعىس بويلىق بويىنشا 104,69 گرادۋس بولاتىن نۇكتەدە تىركەلدى. گيپوسەنتر 6 ك م تەرەڭدىكتە جاتتى.
قىتايدا توتەنشە جاعدايلاردى جويۋدىڭ ءتورت دەڭگەيلى جۇيەسى بار، ونىڭ 1-دەڭگەيى ەڭ جوعارىسى.
ايتا كەتەيىك، ۆەنەسۋەلادا 24-ماۋسىمدا بولعان جەر سىلكىنىسىنەن قازا تاپقاندار سانى 1430 عا جەتتى.
كولۋمبيالىق قۇتقارۋشىلار ۆەنەسۋەلادا ءۇيىندى استىنان 11 جاستاعى بالانى 70 ساعاتتان كەيىن امان الىپ شىقتى. بۇل تۋرالى كولۋمبيانىڭ قورعانىس مينيسترلىگى حابارلادى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан