شيان جياوتۇڭ ۋنيۆەرسيتەتىنىڭ ءبىرىنشى كلينيكالىق اۋرۋحاناسىندا جاسالعان بۇل وپەراتسيا الەمدە وسىنداي ادىسپەن ورىندالعان ءۇشىنشى وپەراتسيا بولدى. جاڭا ءتاسىل جۇرەك اۋرۋىنىڭ سوڭعى ساتىسىنداعى ناۋقاستارعا كەۋدە قۋىسىن اشپاي ەمدەۋدىڭ قاۋىپسىز جولىن ۇسىنادى.
حيرۋرگتەر قابىرعالاردىڭ اراسىنان 8 سانتيمەترلىك تىلىك جاساپ، روبوت مانيپۋلياتورلارىنا ارنالعان تاعى ەكى تەسىك اشقان. وسىلايشا ءتوس سۇيەگىن 20 سانتيمەترگە دەيىن ءتىلىپ، كوپ قان جوعالتۋدىڭ الدىن العان. سونداي-اق 3D- ۆيزۋاليزاتسيا كومەگىمەن روبوتتى باسقارىپ، زاقىمدانعان جۇرەكتى الىپ، ورنىنا دونورلىق جۇرەك سالعان.
ءبولىم مەڭگەرۋشىسى يان ياننىڭ ايتۋىنشا، روبوت مانيپۋلياتورلارى ادام قولىنا قاراعاندا دالىرەك قيمىلداپ، اۋرۋ تاريحى كۇردەلى ناۋقاستاردا ينفەكتسيا جۇقتىرۋ قاۋپىن ايتارلىقتاي تومەندەتەدى.
ترانسپلانتولوگيادا روبوتتاردى قولدانۋ الەمدىك تاجىريبەدە ءالى دە ەكسپەريمەنتتىك دەڭگەيدە قالىپ وتىر. بۇعان دەيىن مۇنداي وپەراتسيالار 2024 -جىلى ساۋد ارابياسىندا، 2025 -جىلى ا ق ش-تا جاسالعان. جاڭا تەحنولوگيا جاسى ۇلعايعان نەمەسە قوسىمشا اۋرۋلارىنا بايلانىستى وپەراتسيا جاساۋعا كەلمەيتىن ناۋقاستارعا حيرۋرگيالىق ەم الۋعا مۇمكىندىك بەرەدى.
- ناۋقاستىڭ جۇرەك قىزمەتى تولىق قالپىنا كەلدى. ءبىز وعان كۇندەلىكتى فيزيكالىق جانە كارديو وڭالتۋ ارقىلى كۇشىن بىرتىندەپ قالپىنا كەلتىرۋگە كومەكتەسەمىز. ناۋقاس ءبىر-ەكى ايدان كەيىن قالىپتى ومىرگە ورالادى، - دەپ اتاپ ءوتتى سيان اۋرۋحاناسىنىڭ جۇرەك- قان تامىرلارى حيرۋرگياسى ءبولىمى ديرەكتورىنىڭ ورىنباسارى لي يۋنسين.
بۇعان دەيىن قىتايلىق وفتالمولوگتار 4200 ك م قاشىقتىقتان وتا جاساعانىن حابارلاعان ەدىك.