استانا. KAZINFORM - قىتاي دۇيسەنبى كۇنى «چىنجىن-12» زىمىران تاسىعىشىمەن تومەنگى وربيتادا جەردى اينالىپ جۇرەتىن، ينتەرنەتكە ارنالعان جەرسەرىكتەردىڭ 29-تولقىنىن ۇشىردى، دەپ حابارلايدى Kazinform اگەنتتىگىنىڭ مەنشىكتى ءتىلشىسى قىتايدىڭ اەروعارىشتىق عىلىم جانە تەحنولوگيا كورپوراتسياسىنا سىلتەمە جاساپ.
زىمىران بەيجىڭ ۋاقىتى بويىنشا تاڭعى ساعات 4:24 تە ەلدىڭ وڭتۇستىگىندەگى حاينان ارالىنداعى كوممەرتسيالىق زىمىران الاڭىنان ۇشىرىلدى. سپۋتنيكتەر بەلگىلەنگەن وربيتالارعا ورنالاستىرىلدى.
چىنجىن سەرياسىنىڭ زىمىران تاسىعىشتارى وسىمەن 676 رەت عارىشقا ۇشىپ وتىر.
ۇزىندىعى شامامەن 62 مەتر بولاتىن ەكى ساتىلى «چىنجىن-12» زىمىرانى 700 شاقىرىم بيىكتىكتەگى وربيتاعا كەمىندە 6 توننا پايدالى جۇكتى شىعارا الادى.
بۇعان دەيىن قىتاي AI تەحنولوگياسىمەن جابدىقتالعان ەكى سپۋتنيكتى وربيتاعا شىعارعانىن حابارلاعان ەدىك.
جۋىردا ءۇندىستان دا سالماعى 2 توننادان اساتىن ناۆيگاتسيالىق جەرسەرىكتى وربيتاعا شىعاردى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.