استانا. قازاقپارات - 14-ناۋرىزدا بەيجىڭدە قىتاي، رەسەي جانە يران اراسىندا يراننىڭ يادرولىق ماسەلەسى بويىنشا ءۇشجاقتى كەزدەسۋ وتەدى. بۇل تۋرالى سارسەنبى كۇنى ق ح ر سىرتقى ىستەر مينيسترلىگىنىڭ رەسمي وكىلى مالىمدەدى.
قىتاي سىرتقى ىستەر مينيسترلىگى وكىلىنىڭ ايتۋىنشا، الداعى كەزدەسۋگە قاتىسۋشىلار يراننىڭ يادرولىق ماسەلەسى جانە ءوزارا مۇددەنى بىلدىرەتىن ماسەلەلەر بويىنشا پىكىر الماسادى. كەزدەسۋگە قىتاي تاراپىنان ق ح ر سىرتقى ىستەر ۆيتسە-ءمينيسترى ما جاوسيۋي قاتىسادى.
Xinhua حابارلاۋىنشا، بەيجىڭدەگى كەزدەسۋگە سونداي-اق رەسەي سىرتقى ىستەر ءمينيسترىنىڭ ورىنباسارى سەرگەي ريابكوۆ پەن يران سىرتقى ىستەر ءمينيسترىنىڭ ورىنباسارى كازەم گاريبابادي قاتىسادى دەپ كۇتىلىپ وتىر.
بۇعان دەيىن ترامپ يراندى يادرولىق قارۋدان باس تارتۋ بويىنشا كەلىسسوزگە شاقىرعانى تۋرالى جازدىق.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан