قىتاي جاعالاۋ كۇزەتىنىڭ رەسمي وكىلى تسزيان ليۋەنىڭ مالىمدەۋىنشە، فيليپپين تاراپى قىتايدىڭ ەسكەرتۋىنە قاراماستان، بەيسەنبى كۇنى وڭتۇستىك قىتاي تەڭىزىندەگى جەناي ريفى ماڭىندا تۇرعان فيليپپيندىك كەمەگە جۇك جەتكىزۋ ءۇشىن جابدىقتاۋ كەمەسىن جىبەرگەن.
قىتاي تاراپى بۇل ارەكەتتى فيليپپيننىڭ بۇرىن العان مىندەتتەمەلەرىن بۇزۋى دەپ باعالاپ وتىر.
- قىتاي جاعالاۋ كۇزەتى زاڭعا سايكەس فيليپپيندىك جابدىقتاۋ كەمەسىن باقىلاۋعا الىپ، داۋىس زورايتقىش ارقىلى ەسكەرتۋ جاسادى. فيليپپين تاراپىنىڭ ارانداتۋشىلىق ارەكەتتەرى مەن ماسەلەنى ۋشىقتىرۋى وڭتۇستىك قىتاي تەڭىزىندەگى تاراپتاردىڭ ءىس-قيمىلى تۋرالى دەكلاراتسيانى ەلەۋلى تۇردە بۇزىپ، وڭىردەگى بەيبىتشىلىك پەن تۇراقتىلىققا نۇقسان كەلتىردى، - دەدى تسزيان ليۋە.
ونىڭ ايتۋىنشا، قىتاي جاعالاۋ كۇزەتى بۇدان ءارى دە نانشا ارحيپەلاگىندا، سونىڭ ىشىندە جەناي ريفى مەن وعان ىرگەلەس تەڭىز ايماقتارىندا زاڭعا سايكەس قۇقىق قورعاۋ وپەراتسيالارىن جۇرگىزەدى.
قىتاي تاراپى جاعالاۋ كۇزەتى ەلدىڭ اۋماقتىق ەگەمەندىگىن، سونداي-اق تەڭىزدەگى قۇقىقتارى مەن مۇددەلەرىن قورعاۋدى جالعاستىراتىنىن مالىمدەدى.