قىتاي ىشكى تۇتىنۋدى ىنتالاندىرۋ شارالارىن قابىلدايدى

 استانا. KAZINFORM -قىتاي حالىق رەسپۋبليكاسى ساۋدا ءمينيسترىنىڭ ورىنباسارى شەن شيۋپيننىڭ مالىمدەۋىنشە، قىتاي بيىل تۇتىنۋدى ارتتىرۋ ءۇشىن كولىك قۇرالدارى مەن تۇرمىستىق تەحنيكانى ساتىپ الۋدى ىنتالاندىرۋ سياقتى ءبىرقاتار شارالاردى ەنگىزەدى.

«اۆتوموبيلدەر، تۇرمىستىق تەحنيكا جانە ۇيگە ارنالعان جيھاز - ءداستۇرلى تۇتىنۋ زاتتارى جانە ادامداردىڭ ومىرىمەن تىعىز بايلانىستى»، - دەدى شەن شيۋپين.

ونىڭ ايتۋىنشا، قىتاي بيلىگى بيىل حالىق اراسىندا سۇرانىستىڭ جوعارى بولۋىنا جانە ولاردى اۋىستىرۋ الەۋەتىنە بايلانىستى ەسكى كولىكتەردى جاڭاسىنا ايىرباستاۋ مەحانيزمىن ىلگەرىلەتۋ جۇمىستارىن جۇرگىزەتىن بولادى.

2023 -جىلى قىتايدا جاڭا كولىكتەردىڭ ساتىلىمى العاش رەت 30 ميلليون بىرلىكتەن استى، بۇل وتكەن جىلمەن سالىستىرعاندا  عا كوپ. ەلدە ەسكى كولىكتەر ساۋداسىنىڭ كولەمى 18,41 ميلليون بىرلىككە جەتىپ، ءوسىم  دى قۇراعان.

ۆيتسە- ءمينيستردىڭ ايتۋىنشا، قىتايدا كولىك يەلەرىنىڭ سانى 340 ميلليونعا جەتكەن. ەل بۇل كورسەتكىش بويىنشا الەمدە ءبىرىنشى ورىندا تۇر.

قىتاي سونىمەن قاتار ىشكى سۇرانىستى ىنتالاندىرۋ شارالارى اياسىندا ەسكى تۇرمىستىق تەحنيكانى جاڭاسىنا اۋىستىرۋدا. مىسالى، توڭازىتقىشتار، كىر جۋعىش ماشينالار جانە كونديتسيونەرلەر سياقتى تۇرمىستىق تەحنيكانىڭ نەگىزگى ساناتتارىنىڭ سانى 3 ميلليارد بىرلىكتەن اسادى. مينيسترلىكتىڭ مالىمەتىنشە، كەيبىر تۇرمىستىق زاتتار 10-20 جىلدان استام قولدانىستا بولعان.

بۇدان باسقا، قىتاي بيلىگى تۇتىنۋ الەۋەتىن اشۋ ءۇشىن ترانسشەكارالىق ەلەكتروندىق كوممەرتسيا، جاڭا ەنەرگەتيكالىق كولىك قۇرالدارى (NEVs) جانە China-chic سياقتى تۇتىنۋدىڭ جاڭا تۇرلەرىن ىنتالاندىرۋعا نيەتتى.

بۇعان دەيىن ق ح ر ساۋدا مينيسترلىگى 2024 -جىلدى «تۇتىنۋدى ىنتالاندىرۋ جىلى» دەپ جاريالاۋدى ۇسىنعان بولاتىن.

اۆتور

زارينا تۋعانبايەۆا