قىتاي گەولوگتارى 83 ميلليارد دوللارعا جۋىق التىن قورىن انىقتادى

استانا. KAZINFORM - حۋنان پروۆينتسياسىندا (ورتالىق قىتاي) بولجامدى قورى 1000 توننادان اساتىن اسا ءىرى التىن كەن ورنى انىقتالدى، دەپ حابارلادى بەيسەنبى كۇنى پروۆينتسيانىڭ گەولوگيالىق قىزمەتى. بۇل تۋرالى شينحۋا اقپارات اگەنتتىگى جازدى.

ۆەدومستۆونىڭ حابارلاۋىنشا، گەولوگتار پيڭتسزيان ۋەزىندەگى ۆانگۋ كەن ورنىنىڭ استىنان 2 مىڭ مەتر تەرەڭدىكتە 300 توننا التىن قورى بار 40 تان استام التىندى وزەكتى انىقتادى.

3 مىڭ مەتر تەرەڭدىكتە ورنالاسقان اسىل مەتال قورى 1 مىڭ توننادان استام نەمەسە 600 ميلليارد يۋانعا باعالانىپ وتىر، بۇل قۇندىق جاعىنان شامامەن 83 ميلليارد دوللاردى قۇرايدى.

«كوپتەگەن بۇرعىلانعان تاۋ جىنىستارىنىڭ وزەكتەرىندە كورىنەتىن التىن انىقتالدى»، - دەدى كەن بارلاۋ ساراپشىسى چەن جۋلين.

ول سونداي-اق 2 مىڭ مەتر تەرەڭدىكتەگى ءبىر توننا كەندە ەڭ كوبى 138 گرام التىن بار ەكەنىن قوسىپ ءوتتى.

باسقارما باسشىسىنىڭ ورىنباسارى ليۋ يۋنتسزيۋننىڭ مالىمدەۋىنشە، ۆانگۋ كەنىشىندە 3D گەولوگيالىق مودەلدەۋ سياقتى كەن بارلاۋدىڭ جاڭا تەحنولوگيالارى قولدانىلدى.

ونىڭ ايتۋىنشا، جىلجىمايتىن مۇلىكتىڭ پەريفەريالىق ۋچاسكەلەرىندە بۇرعىلاۋ كەزىندە دە التىن انىقتالدى، بۇل كەلەشەگى زور مۇمكىندىكتەردى اشىپ وتىر.

ەسكە سالا كەتسەك، التىننىڭ باعاسى قازانداعى اۋكسيوندا ءبىر ۋنتسيا ءۇشىن 2800 دوللاردان جوعارى كوتەرىلگەن بولاتىن.