استانا. KAZINFORM - قىتايدىڭ بورتىنا ينتەرنەت-سپۋتنيكتەر توبىن تيەگەن «چانچجەن-12» («ۇلى جورىق-12») زىمىران-تاسىعىشى دۇيسەنبى كۇنى قىتايدىڭ وڭتۇستىگىندەگى حاينان پروۆينتسياسىندا ورنالاسقان كوممەرتسيالىق عارىش ايلاعىنان ءساتتى ۇشىرىلدى، دەپ حابارلايدى شينحۋا اگەنتتىگى.
زىمىران بەيجىڭ ۋاقىتىمەن ساعات 15:48 دە كوككە كوتەرىلدى. عارىش اپپاراتى تومەن وربيتالى ينتەرنەت-سپۋتنيكتەردىڭ 19 توبىن جوسپارلانعان وربيتاعا ءساتتى شىعاردى.
ەسكە سالا كەتسەك، قىتاي 15-قاڭتار كۇنى 2026 -جىلعى عارىشتىق ميسسياسىن جەردى قاشىقتان باقىلاۋ سپۋتنيگىن ۇشىرۋمەن باستاعانىن جازدىق.
ول كەزدە ەلدىڭ سولتۇستىگىندەگى شانسي پروۆينتسياسىندا ورنالاسقان تايۋان عارىش ايلاعىنان جەردى قاشىقتان باقىلاۋعا ارنالعان «ياوگان-5001» سپۋتنيگى عارىشقا ۇشىرىلعان ەدى.
Фото: Cbym[efال 13-قاڭتار كۇنى قىتايدىڭ CAS Space كوممەرتسيالىق اەروعارىش كومپانياسى سۋبوربيتالدى «ليحۋن-1 Y1» اپپاراتىنىڭ سىناق رەجيمىندەگى ۇشىرىلىمىن ءساتتى ورىندادى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.