قىتاي توعىز ەلمەن ۆيزاسىز رەجيم ەنگىزدى

استانا. قازاقپارات - قىتاي تاعى 9 ەلدىڭ ءتولقۇجات يەلەرىنە ۆيزاسىز رەجيم ەنگىزدى. بۇل تۋرالى رەيتەر اگەنتتىگى حابارلادى.

ولاردىڭ ايتۋىنشا، تىزىمگە حورۆاتيا، بولگاريا، رۋمىنيا، چەرنوگوريا، سولتۇستىك ماكەدونيا، مالتا، ەستونيا، لاتۆيا جانە جاپونيا ەندى.

30-قاراشادان باستاپ وسى ەلدىڭ تۇرعىندارى 30 تاۋلىككە دەيىن قىتايعا ۆيزاسىز كىرىپ شىعا الادى. ءسويتىپ، بارلىعى 38 مەملەكەت بيزنەس، تۋريزم، ساياحات، ترانزيت باعىتى بويىنشا قىتاي ەلىنە قۇجاتسىز وتۋگە قۇقىلى. باعدارلاما كەلەر جىلدىڭ سوڭىنا دەيىن قولجەتىمدى.

گابريەلا كوشچيتسا، Ideatravel باس ديرەكتورى:

-ءبىزدىڭ تۇتىنۋشىلارىمىز ءۇشىن قىتايعا ۆيزاسىز كىرىپ-شىعۋ ەندى جەڭىلدەيتىن بولدى. باستاما اياسىندا حورۆاتيادان قىتايعا بارىپ، بيزنەسىن كەڭەيتۋگە مۇددەلى ادامدار قاتارى ارتادى دەپ ويلايمىن.

جاپونيا توميو كاتو، كاسىپكەر:

- قىتايعا كىرىپ-شىعۋ ءبىزدىڭ جۇرت ءۇشىن قيىنداعان سايىن، بۇل ءوزارا ىنتىماقتاستىعىمىزعا اسەر ەتۋى مۇمكىن. سول سەبەپتى بىزدەر، جاپون ازاماتتارى بۇل كەلىسىم ءۇشىن قۋانىشتىمىز.

24.kz