قىتاي سيفرلىق ەكونوميكانى قولداۋدى كۇشەيتپەك

استانا. KAZINFORM - قىتاي حالىق رەسپۋبليكاسىنىڭ مەملەكەتتىك كەڭەسى (ۇكىمەت) سيفرلىق ەكونوميكانىڭ ساپالى دامۋىن قولداۋدىڭ جاڭا شارالارىن ازىرلەيتىن بولادى. بۇل تۋرالى بۇكىل قىتايلىق حالىق وكىلدەرى جينالىسىنىڭ اعىمداعى سەسسياسىنداعى ۇكىمەت بايانداماسىندا ايتىلدى.

«ءبىز سيفرلىق ەكونوميكانىڭ ساپالى دامۋىن قولداۋ شارالارىن ازىرلەۋگە، سيفرلىق رەسۋرستاردى يندۋستريالاندىرۋعا جانە ونەركاسىپتى سيفرلاندىرۋعا بەلسەندى تۇردە جاردەمدەسۋگە، سيفرلىق تەحنولوگيالاردىڭ ەكونوميكانىڭ ناقتى سەكتورىنا تەرەڭ ينتەگراتسيالانۋىنا ىقپال ەتۋىمىز كەرەك»، - دەلىنگەن حابارلامادا.

قۇجاتتا «جاساندى ينتەللەكت پليۋس» ارەكەت جوسپارىن جۇزەگە اسىرۋ جانە حالىقارالىق باسەكەگە قابىلەتتى سيفرلىق سالا كلاستەرلەرىن قۇرۋ قاجەتتىلىگى ايتىلادى.

2022 -جىلى قىتايدىڭ سيفرلىق ەكونوميكاسى 50 تريلليون يۋاننان استى. ال، قىتايدىڭ جالپى ىشكى ونىمىندەگى سيفرلىق ەكونوميكانىڭ ۇلەسى 40 پايىزدان استى.

«ەكى سەسسيا» اياسىندا قىتايدىڭ ءبىرقاتار پروۆينتسيالارىنان كەلگەن دەلەگاتسيالار ەل ايماقتارىنىڭ سيفرلىق ەكونوميكاسىن ودان ءارى دامىتۋ ماسەلەسىن كوتەردى. قىتايدىڭ سيفرلىق ەكونوميكانى دامىتۋداعى كوشباسشىلارىنىڭ ءبىرى - شىعىس قىتايدىڭ شاندۋڭ پروۆينسياسى. 2023 -جىلدىڭ سوڭىندا بۇل پروۆينتسيانىڭ ج ءى ءو-دەگى تسيفرلىق ەكونوميكانىڭ ۇلەسى G دان استى، جەرگىلىكتى بيلىك 2025 -جىلعا قاراي ونىڭ ۇلەسىن P دان اسىرۋدى جوسپارلاپ وتىر. بۇگىنگى كۇنى شاندۋڭ پروۆينتسياسىندا ايماقتىڭ بارلىق قالالارى مەن اۋىلدارىن قامتيتىن 200 مىڭنان استام 5G بازالىق ستانسيالارى ورنالاستىرىلدى.

2023 -جىلدىڭ سوڭىندا 100 ميلليوننان استام حالقى بار شاندۋڭ پروۆينسياسىنىڭ جالپى ىشكى ءونىمى 9,21 تريلليون يۋاندى (1,28 تريلليون دوللار) قۇرادى.

ەستەرىڭىزگە سالا كەتەيىك، بەيجىڭدە 14- بۇكىل قىتايلىق حالىق وكىلدەرى جينالىسىنىڭ 2-سەسسياسى ءوتىپ جاتىر، ول 11-ناۋرىزدا اياقتالادى.

اۆتور
ەركەجان سماعۇلوۆا