بەيجىڭدە قىتاي مەن ەۋروپالىق وداق اراسىنداعى ەكى كۇنگە سوزىلعان ساۋدا-ينۆەستيتسيالىق كەلىسسوزدەر اياقتالدى. كەزدەسۋ قورىتىندىسى بويىنشا ەۋروپالىق وداقتىڭ ساۋدا جانە ەكونوميكالىق قاۋىپسىزدىك جونىندەگى كوميسسارى ماروش شەفچوۆيچ باسپا ءسوز ءماسليحاتىن وتكىزىپ، كەلىسسوزدەردىڭ نەگىزگى ناتيجەلەرىن جاريالادى.
ءسوز باسىندا ماروش شەفچوۆيچ قىتايعا ناقتى ماقساتپەن كەلگەنىن اتاپ ءوتتى.
- مەن مۇندا ءبىر ايقىن ماقساتپەن كەلدىم. ول - ەۋروپالىق وداق پەن قىتاي اراسىنداعى ساۋدا قاتىناستارىنداعى تەپە-تەڭدىكتى قالپىنا كەلتىرۋ ۇدەرىسىن باستاۋ جانە ساۋدا-ينۆەستيتسيالىق كونسۋلتاتسيالار تەتىگى اياسىنداعى كەلىسسوزدەردىڭ العاشقى كەزەڭىندە ناقتى ناتيجەلەرگە قول جەتكىزۋ، - دەدى ول.
كوميسساردىڭ ايتۋىنشا، ساۋدا تاپشىلىعى ەۋروپالىق وداق ءۇشىن ۇلكەن پروبلەماعا اينالعان. ونىڭ سالدارى وداققا مۇشە ءاربىر مەملەكەتتە سەزىلىپ وتىر.
ول قازىرگى جاعدايدى تۇراقسىز دەپ باعالاپ، ساۋدا قاتىناستارىنداعى تەپە-تەڭدىكتى قالپىنا كەلتىرۋدىڭ ناقتى جولىن ازىرلەۋ قاجەت ەكەنىن ايتتى.
- ءبىز ءوز ونەركاسىبىمىزدى قورعاپ، جاھاندىق دەڭگەيدەگى وندىرىستىك قۋاتتاردىڭ شامادان تىس ارتۋىنا بايلانىستى بۇزىلعان ءادىل باسەكەلەستىك جاعدايىن قالپىنا كەلتىرۋىمىز كەرەك، - دەپ اتاپ ءوتتى ماروش شەفچوۆيچ.
ايتا كەتەيىك، جاقىندا قىتاي ە و- مەن ساۋدا كەلىسسوزدەرى قارساڭىندا يمپورتقا قاتىستى تەرگەۋدى باستادى.