بۇل تۋرالى قىرعىز رەسپۋبليكاسى پرەزيدەنتى اكىمشىلىگى سىرتقى ساياسات ءبولىمىنىڭ مەڭگەرۋشىسى ساعىنبەك ءابدىمۇتالىپ ق ح ر مەملەكەتتىك كوشى-قون باسقارماسىنىڭ اقپاراتىنا سىلتەمە جاساپ حابارلادى.
- قىرعىزستان ازاماتتارىنىڭ قىتايعا 10 كۇنگە دەيىن ۆيزاسىز كىرۋى ءۇشىن تەك ءبىر عانا تالاپ بار: قايتار جولدىڭ قىرعىزستانعا ءۇشىنشى ەل ارقىلى وتەتىنىن راستايتىن اۋە بيلەتى بولۋى قاجەت، - دەپ ءتۇسىندىردى ساعىنبەك ءابدىمۇتالىپ.
بۇدان باسقا، قىرعىزستان ازاماتتارىنا حاينان ارالىنا 30 كۇنگە دەيىن ۆيزاسىز كىرۋگە رۇقسات ەتىلەدى.
ايتا كەتەيىك، قىتاي قىرعىزستان ازاماتتارى ءۇشىن 10 كۇندىك ۆيزاسىز رەجيمدى ءبىرجاقتى تۇردە ەنگىزىپ جاتىر. قىتاي ازاماتتارىنىڭ قىرعىزستانعا كىرۋى ءۇشىن بۇرىنعىداي ۆيزا الۋى كەرەك.
وسىعان دەيىن ا ق ش ورتالىق ازيا ازاماتتارىنا 15 مىڭ ا ق ش دوللارعا دەيىن ۆيزالىق كەپىل ەنگىزگەنىن حابارلادىق.