ناقتىراق ايتار بولساق، «قۇسني قورلان» كومپوزيتسياسىن قازاقستاندىق مۋزىكانت ايگەرىم ەرسايىنوۆا قوبىزبەن، ال قىتايلىق مۋزىكانت يان دجيايۋان گۋچجەن اسپابىمەن سۇيەمەلدەدى.
- سىزدەرمەن ەرەكشە نارسەنى بولىسكەنىمە وتە قۋانىشتىمىن. العاش رەت ەكى مۋزىكانت - ءبىرى قازاقستاننان، ەكىنشىسى قىتايدان - قىتاي قورعانىندا ونەر كورسەتۋگە جينالدى. ءبىز مۋزىكا، مادەنيەت جانە دوستىقتىڭ بىرەگەي مەرەكەسىن جاساۋ ءۇشىن ءداستۇرلى اسپاپتارىمىزدى بىرىكتىردىك، - دەدى ايگەرىم الەۋمەتتىك جەلىدەگى پاراقشاسىندا.
قازاقستاندىق مۋزكانتتىڭ ايتۋىنشا، بۇل - ءوزارا قۇرمەت پەن مادەنيەت الماسۋعا نەگىزدەلگەن ەكى ەجەلگى مادەنيەتتەر اراسىنداعى تەرەڭ بايلانىستىڭ كۇشتى توعىسۋى.
- مۋزىكادا ءتىل جوق. ول شەكارالاردى اسىپ، جۇرەك قىلىن قوزعاپ، تىڭدارمان جانىن تەبىرەنتەدى، - دەدى ايگەرىم.
ايتا كەتەيىك، گۋچجەن - قىتايدىڭ ەڭ كونە مۋزىكالىق اسپابى سانالادى. ول قۇرلىمى جاعىنان قازاقتىڭ جەتىگەن اسپابىنا ۇقسايدى.
مۇحتار قاليموللا ۇلى