استانا. KAZINFORM - سەيسەنبى كۇنى ق ح ر «ياوگان-43» قاشىقتان زوندتاۋ سپۋتنيكتەرىنىڭ كەزەكتى ۇشىرىلىمىن جۇزەگە اسىردى. بۇل تۋرالى قىتايدىڭ اەروعارىش عىلىمي-تەحنيكالىق كورپوراتسياسى (CASC) حابارلادى.
سپۋتنيكتەر قىتايدىڭ وڭتۇستىك-باتىسىنداعى سىچۋان پروۆينتسياسىنداعى سيچان سپۋتنيكتىك ۇشىرۋ ورتالىعىنان ساعات 09:22 دە ۇشىرىلدى. سونداي- اق «ياوگان-43» قاشىقتان زوندتاۋ سپۋتنيكتەر توبى «چانچجەن-4B» زىمىران تاسىمالداعىشىنىڭ كومەگىمەن ۇشىرىلدى.
عارىش كەمەسى بەلگىلەنگەن وربيتاعا شىققانى حابارلاندى.
«ياوگان-43» سەريالى قاشىقتان زوندتاۋ سپۋتنيكتەرى تومەن وربيتالىق سپۋتنيكتىك شوقجۇلدىز جۇيەلەرىنىڭ جاڭا تەحنيكالىق سىناقتارىن جۇرگىزۋ ءۇشىن پايدالانىلادى.
بۇل ۇشىرىلىم «چانچجەن» سەريالى زىمىران تاسىمالداعىشتارى ءۇشىن 533-رەيس بولدى.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.