قىتاي نوسەر جاۋىن سالدارىنان ەسكەرتۋدىڭ «سارى» بەلگىسىن جاريالادى

استانا. KAZINFORM - قىتايدىڭ مەتەوقىزمەتى ەلدىڭ كەيبىر اۋداندارىنداعى نوسەر جاۋىن سالدارىنان دابىلدىڭ «سارى» بەلگىسىن جاريالادى، دەپ حابارلايدى شينحۋا.

اۋا رايى بولجامىنا سايكەس، 10-11-شىلدە ارالىعىندا وتكىنشى جانە نوسەر جاۋىن فۋتسزيان، گۋاندۋن، حاينان، يۋننان، گۋيچجوۋ، سىچۋان، حۋبەي، شەنسي، حەبەي پروۆينتسيالارىندا، تايۆان ارالىندا، ىشكى موڭعوليا اۆتونومدى اۋدانىندا جانە گۋانسي-چجۋان اۆتونومدى اۋدانىندا، سونداي-اق چۋنتسين مەن بەيجىڭدە جاۋادى.

گۋاندۋن جانە فۋتسزيان پروۆينتسيالارىنىڭ جەكەلەگەن اۋداندارىندا 300 م م- گە دەيىنگى مولشەردە وتە كوپ مولشەردە ىلعال ءتۇسۋى ىقتيمال. اتالعان وڭىرلەردىڭ ءبىرقاتارىندا وتكىنشى جاۋىندار جاۋىپ، ولاردىڭ مولشەرى 800 م م- گە دەيىن جەتىپ، جاۋىنمەن قوسا كۇشتى جەل تۇرادى، نايزاعاي وينايدى.

مەتەورولوگتار جەرگىلىكتى بيلىك وكىلدەرىن قالالار مەن اۋىل شارۋاشىلىعى القاپتارىندا سۋدىڭ ءتيىمدى جايىلۋىن قامتاماسىز ەتىپ، قاۋىپتىڭ الدىن الۋ شارالارىن قولدانۋعا شاقىرىپ وتىر.

ايتا كەتەيىك، قىتايدا اۋا رايىنا بايلانىستى ەسكەرتۋدىڭ 4 دەڭگەيى بار. ەڭ جوعارعى دەڭگەي قىزىل تۇسپەن بەلگىلەنەدى، ودان كەيىن قىزعىلت، سارى جانە كوك دەڭگەيلەر.

وسىعان دەيىن قىتايدا عارىشتى زەرتتەۋ جونىندەگى حالىقارالىق قاۋىمداستىق جۇمىس ىستەي باستاعانى تۋرالى جازدىق.