قىتاي-نەپال شەكاراسىندا كوپىر وپىرىلدى

استانا. KAZINFORM - قىتاي مەن نەپالدى بايلانىستىراتىن كوپىر سۋ تاسقىنىنان وپىرىلىپ قۇلادى، دەپ حابارلايدى Kazinform شينحۋا اگەنتتىگىنە سىلتەمە جاساپ.

وقيعا كەزىندە 18 ادام ءىزىم-عايىم جوعالعان. جەرگىلىكتى پوليتسيانىڭ مالىمەتىنشە، تابىلماي جاتقان ادامداردىڭ كوپشىلىگى كوپىر وپىرىلار كەزدە شەكارا پورتىندا جۇمىس ىستەپ جاتقان.

نەپالداعى قىتاي ەلشىلىگىنىڭ حابارلاۋىنشا، ءىز-ءتۇزسىز كەتكەندەردىڭ اراسىندا قىتايدىڭ قولداۋىمەن جۇزەگە اسىرىلعان باقىلاۋ-وتكىزۋ پۋنكتىنىڭ نەپال جاعىنداعى نىسانداردى سالۋ جوباسىنا قاتىسقان 6 قىتايلىق جانە 8 نەپالدىق جۇمىسشى بار.

وقيعا ورنىندا نەپال ارمياسى مەن پوليتسيا بولىمشەلەرىنىڭ قاتىسۋىمەن جەدەل ىزدەستىرۋ-قۇتقارۋ وپەراتسياسى جالعاسىپ جاتىر. الدىن الا مالىمەت بويىنشا، قازا تاپقان ەكى ادامنىڭ ءمايىتى تابىلدى.

نەپال مۋسسون ماۋسىمىنا ەندى. وسى كەزەڭدە اتالعان ەلدە جىل سايىن نوسەر جاڭبىر جاۋىپ، سۋ تاسقىنى، كوشكىن جانە سەل تاسقىنى ءجيى بولىپ، ادام شىعىنى جانە ايتارلىقتاي ماتەريالدىق شىعىنعا ۇشىرايدى.

بۇعان دەيىن پاكىستان اۋماعىندا تولاسسىز جاۋعان مۋسسون جاڭبىرىنان بولعان سۋ تاسقىنىنان 72 ادام قازا تاپقانىن حابارلاعان ەدىك.