قىتاي مەن وزبەكستان شەكاراسىندا 4 جاڭا كەدەن بەكەتى ىسكە قوسىلدى
استانا. KAZINFORM - جاڭا نىساندار حالىقارالىق ستاندارتتارعا ساي سالىنعان جانە كولىك قۇرالدارىن سكانەرلەۋگە، تەكسەرۋگە جانە اۆتوماتتى ولشەۋگە ارنالعان جوعارى تەحنولوگيالىق جابدىقتارمەن جابدىقتالعان، دەپ حابارلايدى قارجى مينيسترلىگى.
قارجى مينيسترلىگى قىتاي، وزبەكستان جانە تۇرىكمەنستانمەن شەكارالاس 9 وتكىزۋ پۋنكتىن جاڭعىرتۋ جۇمىستارىن جۇرگىزىپ جاتىر. بۇل شارالار ترانزيتتىك الەۋەتتى ارتتىرۋعا باعىتتالعان مەملەكەتتىك ساياسات اياسىندا جۇزەگە اسىرىلىپ كەلەدى.
جوبا اياسىندا ەسكىرگەن ينفراقۇرىلىمدى تولىق اۋىستىرا وتىرىپ، زاماناۋي جاڭا وتكىزۋ پۋنكتتەرىنىڭ قۇرىلىسى كوزدەلگەن.
2025 -جىلدىڭ باسىنان 4 جاڭعىرتىلعان وتكىزۋ پۋنكتى ىسكە قوسىلدى:
قىتايمەن شەكارادا - «كولجات» جانە «الاكول»؛
وزبەكستانمەن شەكارادا - «قاپلانبەك» جانە «اتامەكەن».
- جىلدىڭ سوڭىنا دەيىن «قازىعۇرت»، «تاجەن»، «تەمىر بابا»، «مايقاپشاعاي» جانە «باقتى» بەس وتكىزۋ پۋنكتىن جاڭعىرتۋدى اياقتاۋ جوسپارلانىپ وتىر. جاڭا پۋنكتتەردە شەكارانى ىڭعايلى جانە ءقاۋىپسىز كەسىپ ءوتۋ ءۇشىن بارلىق جاعداي جاسالعان. كولىك قوزعالىسى جولاعىنىڭ سانى 2 دەن 6 عا دەيىن ۇلعايتىلدى، باقىلاۋ جۇرگىزۋشىنىڭ كابيناسىنان شىقپاي-اق وتەدى، ال پروتسەستەردىڭ تولىق اۆتوماتتاندىرىلۋىنىڭ ارقاسىندا شەكارادان ءوتۋ ۋاقىتى ورتا ەسەپپەن 30 مينۋتقا دەيىن قىسقارتىلدى. مۇنىڭ ەرەكشەلىگى - «ءبىر تەرەزە» قاعيداتى بويىنشا قوسىمشا توقتاتۋسىز باقىلاۋدىڭ بارلىق تۇرىنەن ۇزدىكسىز ءوتۋدى قامتاماسىز ەتەتىن ءبىرىڭعاي تەحنولوگيالىق ءدالىز سانالادى، - دەلىنگەن مينيسترلىك تاراتقان اقپاراتتا.
جالپى قارجى مينيسترلىگى وتكىزۋ پۋنكتتەرىن جاڭعىرتۋ، كەدەندىك راسىمدەردى سيفرلاندىرۋ جانە اۆتوماتتاندىرۋ، سونداي-اق شەكارا ماڭى سەرۆيسىن دامىتۋ جونىندەگى شارالار كەشەنىن كەزەڭ- كەزەڭىمەن ىسكە اسىرىپ جاتىر.
ماسەلەن، 2023 -جىلدان باستاپ ە ا ە و سىرتقى شەكاراسىنىڭ بارلىق اۆتوموبيل وتكىزۋ پۋنكتتەرىندە «CarGoRuqsat» ەلەكتروندىق كەزەك جۇيەسى ەنگىزىلدى. بۇل رەسپۋبليكالىق ماڭىزى بار اۆتوجولداردا اۆتوكولىك قۇرالدارىنىڭ ناقتى جينالۋىن جويۋعا، تاسىمالداۋ پروتسەسىنىڭ اشىقتىعى مەن تيىمدىلىگىن ارتتىرۋعا مۇمكىندىك بەردى.
76 بيزنەس-پروتسەسس وڭتايلاندىرىلدى، بۇل ا ك ق-نىڭ وتكىزۋ پۋنكتتەرى ارقىلى ءوتۋىنىڭ ورتاشا ۋاقىتىن ءۇش ەسەگە قىسقارتتى. 3 اۆتوحاب جانە 1 كولىك-لوگيستيكالىق ورتالىق ىسكە قوسىلدى. «نۇر جولى» وتكىزۋ پۋنكتى تاۋلىك بويى جۇمىس رەجيمىنە اۋىستىرىلدى، «الاكول» جانە «مايقاپشاعاي» وتكىزۋ پۋنكتىنىڭ جۇمىس ۋاقىتى ۇزارتىلدى.
2024 -جىلدان باستاپ 20 مودۋلمەن ءبىرىڭعاي تسيفرلىق پلاتفورما «كەدەن» جۇيەسى ەنگىزىلىپ جاتىر، بۇگىنگى كۇنى ونىڭ 13 مودۋلى جۇمىس ىستەۋدە. دەكلاراتسيالاۋدىڭ، فورماتتى- لوگيكالىق باقىلاۋدىڭ ەلەكتروندىق فورماتى ەنگىزىلدى، «قورعاس» شى ح و-دا تاۋارلاردى ەسەپكە الۋ تولىق سيفرلاندىرىلعان. ينتەگراتسيالانعان باقىلاۋ قىزمەتتەرى اۆتوماتتاندىرىلدى، ترانزيت ءراسىمى جەدەلدەتىلدى، جەكە كابينەت ارقىلى قاشىقتىقتان ءوزارا ءىس- قيمىل قامتاماسىز ەتىلدى.
وتكىزۋ مۇمكىندىگى 2022 -جىلى 640 مىڭ كولىك قۇرالىنان 2024 -جىلى 1,4 ميلليونعا دەيىن ءوستى. جاڭعىرتۋ اشىقتىققا، تاۋار اعىنىن جەدەلدەتۋگە، شەكارا ماڭى ەكونوميكاسىن دامىتۋعا باعىتتالعان.