قىتاي مەن ە و ەلەكترلىك كولىكتەردىڭ باعاسى جونىندە كەلىسسوز جۇرگىزبەك

استانا. KAZINFORM - ەۋرووداق 10-ءساۋىر كۇنى رەسمي بەيجىڭمەن قىتايدا وندىرىلگەن ەلەكترلىك كولىكتەر ءۇشىن ەڭ تومەنگى باعا بەلگىلەۋ تۋرالى كەلىسىمگە كەلگەنىن مالىمدەدى. بۇل كەلىسىم ە و-نىڭ قىتايلىق ەلەكترلىك كولىكتەرگە قوسىمشا باج سالىعىن ەنگىزۋ تۋرالى بىلتىرعى شەشىمىن الماستىرۋعا باعىتتالعان.

Lianhe Zaobao باسىلىمىنىڭ حابارلاۋىنشا، اتالعان ماسەلە بويىنشا كەلىسسوزدەر باستالىپ كەتكەن. ەۋرووداقتىڭ مالىمەتى بويىنشا، ەۋروكوميسسيانىڭ ساۋدا جانە ەكونوميكالىق قاۋىپسىزدىك جونىندەگى كوميسسارى ماروش شەفچوۆيچ قىتايدىڭ ساۋدا ءمينيسترى ۆان ۆەنتاومەن تەلەفون ارقىلى سويلەسكەن، قوس تاراپ قىتايدىڭ ەلەكترلىك كولىكتەرىنە ەڭ تومەنگى باعا بەلگىلەۋ ماسەلەسىن تالقىلاۋعا كەلىسكەن.

ال قىتاي ساۋدا مينيسترلىگىنىڭ بۇگىنگى حابارلاماسىنا سايكەس، ۆان ۆەنتاو شەفچوۆيچپەن 8-ءساۋىر كۇنى تەلەفون ارقىلى سويلەسكەن، تاراپتار نارىققا قولجەتىمدىلىك ماسەلەسى جونىندەگى كونسۋلتاتسيالاردى تەز ارادا باستاۋعا، ەلەكترلىك كولىكتەردىڭ باعاسى بويىنشا مىندەتتەمەلەر تۋرالى كەلىسسوزدەردى دەرەۋ قولعا الۋعا جانە اۆتوكولىك ونەركاسىبى سالاسىنداعى ينۆەستيتسيالىق ىنتىماقتاستىق ماسەلەسىن تالقىلاۋعا ۋاعدالاسقان.

بۇعان دەيىن شەفچوۆيچ شەكتى باعا بەلگىلەۋ تۋرالى كەزكەلگەن شارانىڭ تيىمدىلىگى مەن باقىلانۋ مۇمكىندىگى ە و-نىڭ قازىرگى تاريفتىك شارالارىنان ولقى سوقپاۋعا ءتيىس ەكەنىن اتاپ وتكەن بولاتىن.

ەۋرووداق وتكەن جىلدىڭ قازان ايىندا قىتايدان جەتكىزىلەتىن ەلەكترلىك كولىكتەرگە جالپى مولشەرى E,3 دان كەم ەمەس انتيدەمپينگتىك قوسىمشا باج سالىعىن ەنگىزگەن بولاتىن. قارىمتا رەتىندە قىتاي ە و-دان اكەلىنەتىن برەندي ونىمدەرىنە ۋاقىتشا انتيدەمپينگتىك باج سالىعىن ەنگىزدى. بۇل شارالار Hennessy, Rémy Cointreau جانە Pernod Ricard سەكىلدى ترانسۇلتتىق كومپانيالاردىڭ تابىسىنا ەلەۋلى اسەرىن تيگىزدى.

بۇعان دەيىن قىتاي ەلەكترلىك كولىكتەر ءۇشىن 30 مىڭ ەۋرو كولەمىندە ەڭ تومەنگى باعا بەلگىلەۋ تۋرالى ۇسىنىس ەنگىزگەن، الايدا ە و بۇل ۇسىنىستى قابىلداماعان ەدى.

باسىلىمنىڭ جازۋىنشا، ا ق ش تاراپىنان ەۋروپا مەن قىتايعا قارسى ەنگىزىلگەن قوسىمشا باج سالىقتارىنىڭ قىسىمىنا بايلانىستى، ەۋرووداق پەن قىتاي ەلەكترلىك كولىكتەر بويىنشا جاڭا كەلىسسوزدەردى باستاۋعا ءماجبۇر بولىپ وتىر. 9-ءساۋىر كۇنى ا ق ش پرەزيدەنتى دونالد ترامپ قىتايدان وزگە ەلدەرگە قوسىمشا باج سالىعىنىڭ ەنگىزىلۋىن 90 كۇنگە كىدىرتۋ تۋرالى شەشىم قابىلدادى.

الايدا قىتايعا قارسى جالپى سالىق مولشەرى 5 عا كوتەرىلدى.

اۆتور

ەرلان مازان