قىتاي ۇكىمەتى زەينەت جاسىن 63 جاسقا دەيىن ۇزارتاتىنىن مالىمدەدى

استانا. KAZINFORM - جۇما كۇنى قىتاي ءوزىنىڭ كوپتەن كۇتكەن زەينەتكەرلىك جاسىن بىرتىندەپ ۇزارتاۋ ساياساتىن رەسمي تۇردە جاريالادى.

شينحۋا اقپارات اگەنتتىگىنىڭ حابارلاۋىنشا، قىتايدىڭ جوعارى زاڭ شىعارۋشى ورگانى – بۇكىل قىتايلىق حالىق وكىلدەرى جينالىسىنىڭ تۇراقتى كوميتەتى بۇل شەشىمدى 2024 -جىلدىڭ 13-قىركۇيەگىندە رەسمي تۇردە قابىلدادى.

شەشىمگە سايكەس، قىتاي 2025 -جىلدىڭ 1-قاڭتارىنان باستاپ كەلەسى 15 جىل ىشىندە كەزەڭ- كەزەڭىمەن ەر قىزمەتكەرلەردىڭ زاڭدى زەينەتكە شىعۋ جاسىن 60 جاستان 63 جاسقا، ال ايەل قىزمەتكەرلەردىڭ زەينەتكەرلىك جاسى باستاپقى 50 جانە 55 جاستان تيىسىنشە 55 جانە 58 جاسقا دەيىن ۇزارتادى.

بۇل قىتاي ۇكىمەتىنىڭ سوڭعى 70 جىلدان استام ۋاقىت ىشىندە العاش رەت زەينەتكەرلىك جاس تۇرالى وزگەرىسى.

زەينەتكەرلىككە شىعۋ جاسىن ۇزارتۋمەن قاتار، 2030 -جىلدان باستاپ قىزمەتكەرلەرگە اي سايىن بازالىق زەينەتاقى الۋ ءۇشىن ەڭ تومەنگى تولەم مەرزىمى دە كەزەڭ-كەزەڭىمەن 15 جىلدان 20 جىلعا دەيىن ۇلعايتىلاتىن بولادى.

جاڭا ەرەجەلەر سونداي-اق جەكە تۇلعالاردى زەينەتاقى ساقتاندىرۋىنا كوبىرەك تولەۋگە، ادامداردى ءوز بيزنەسىن اشۋعا ىنتالاندىرۋعا جانە قولداۋعا شاقىرادى، سونداي-اق بارلىق دەڭگەيدەگى ۇكىمەتتەردەن حالىقتىڭ قارتايۋى ماسەلەسىنە بەلسەندى تۇردە ارەكەت ەتۋ ءۇشىن شارالار قابىلداۋدى تالاپ ەتەدى.

قىتاي حالقىنىڭ تابيعي ءوسۋ قارقىنى ۇزاق جىلدار بويى تۇراقتى تومەندەۋ ءۇردىسىن كورسەتىپ، ەكى جىل قاتارىنان تەرىس وسىمگە قول جەتكىزدى.

2023-جىلدىڭ سوڭىنا قاراي قىتايدىڭ 60 جانە ودان جوعارى جاستاعى حالقى 297 ميلليونعا جەتەدى، بۇل جالپى حالىقتىڭ 21,1 پايىزىن قۇرايدى.

اۆتور

مۇقتار مۇرات