قىتاي كولىكتەرى نارىقتى جاۋلاپ تۇر

استانا. قازاقپارات - جاڭا جەڭىل جانە كوممەرتسيالىق اۆتوموبيلدەردىڭ ساتىلىمى العاشقى سەگىز ايدىڭ قورىتىندىسى بويىنشا 119,2 مىڭ بىرلىكتى قۇراپ، وتكەن جىلمەن سالىستىرعاندا %0,9 عا تومەندەگەن. الايدا، برەندتەر بويىنشا جاعداي ءارتۇرلى، دەپ حابارلايدى aqshamnews.kz.

ءداستۇرلى كوشباسشىلار Hyundai ،Chevrolet جانە Kia نارىقتا ساتىلىمى تومەندەگەن:

• Hyundai كولىكتەرىنىڭ ساتىلىمى 13,8 پايىزعا ازايىپ، 31,3 مىڭ بىرلىكتەن 27 مىڭعا دەيىن تومەندەدى.

• ەڭ كوپ ساتىلاتىن Chevrolet كولىكتەرىنە ەلدىڭ قىزىعۋشىلىعى تومەندەپتى. ناقتىراق ايتقاندا ساتىلىم U,7، 28,8 مىڭنان 12,8 مىڭعا دەيىن ازايعان.

• ال ەل قىزىعاتىن Kia كولىگىنىڭ ساتىلىمى 7,8 پايىزعا تومەندەپ، 15,1 مىڭ اۆتوموبيل ساتىلعان.

مىنە، وسىلايشا ەلدىڭ نازارى بىردەن اۋاتىن كوشباستاۋشىلاردىڭ ساتىلىمى ازايعان كەزدە، قىتايدان كەلگەن اۆتوكولىك برەندتەرىنە سۇرانىس ارتا ءتۇسىپتى:

• Chery كولىگى 32,8 پايىزعا ءوسىپ، 9,3 مىڭ بىرلىكتى قۇرادى.

• Jac  كولىگى 88,9 پايىزعا ءوسىپ، 7,4 مىڭ اۆتو ساتىلدى.

• Geely كولىگى 2,5 ەسەدەن استام ءوسىم، 4,9 مىڭ بىرلىككە دەيىن.

• Haval كولىگى 41,7 پايىزعا ءوسىپ، 6 مىڭ بىرلىك ساتىلدى.

• Jetour  كولىگى 6 ەسەدەن استام وسىممەن 5,8 مىڭ بىرلىك ساتىلدى.

• Changan كولىگى 44,2 پايىزعا ءوسىپ، 5,5 مىڭ اۆتو ساتىلدى.

سونداي-اق، Tank ،Omoda ،Yutong جانە Jac Trucks برەندتەرى دە ساتىلىمداردىڭ وڭ كورسەتكىشتەرىن كورسەتكەن.