قىتاي جالپى ىشكى ءونىمنىڭ ءۇش توقساندا قانشا پايىزعا وسكەنىن جاريالادى

بەيجىڭ. قازاقپارات - 2024 -جىلدىڭ قاڭتار- قىركۇيەك ايلارىندا قىتايدىڭ جالپى ىشكى ءونىمى 94,97 تريلليون يۋانعا (شامامەن 13,33 تريلليون دوللار) جەتتى. بۇعان قىتاي حالىق رەسپۋبليكاسىنىڭ مەملەكەتتىك ستاتيستيكالىق باسقارماسى وكىلدەرىنىڭ بريفينگتە بەرگەن مالىمەتتەرى دالەل.

ستاتيستيكالىق مالىمەتتەرگە سايكەس، اعىمداعى جىلدىڭ قاڭتار- قىركۇيەك ايلارىندا قىتايدىڭ ج ءى ءو %4,8 عا ءوستى.

2024 -جىلدىڭ العاشقى ءۇش توقسانىندا قىتاي قالالارىنداعى جۇمىسسىزدىق دەڭگەيى %5,1 دى قۇرادى.

بيىلعى جىلدىڭ العاشقى ءۇش توقسانىندا قىتايدا قىزمەت كورسەتۋ سالاسىنداعى قوسىمشا قۇن %4,7 عا ءوستى.

ەسكە سالا كەتسەك، 2023 -جىلى قىتايدىڭ ج ءى ءو %5,2 عا ءوستى، ال 2024 -جىلعا ارنالعان ماقساتتى ەكونوميكالىق ءوسۋ قارقىنى شامامەن %5 دەڭگەيىندە بەلگىلەنگەن بولاتىن.

بۇدان بۇرىن حابارلانعانداي، 2024 -جىلدىڭ العاشقى ءۇش توقسانىندا قىتايدا ۇلتتىق ۆاليۋتادا (يۋان) بەرىلگەن نەسيەلەر كولەمى 16,02 تريلليون يۋانعا (شامامەن 2,27 تريلليون دوللار) وسكەن.

Goldman Sachs قىتايدىڭ 2024 جانە 2025 -جىلدارعا ارنالعان ەكونوميكالىق وسىمىنە قاتىستى بولجامىن ەلدەگى ەكونوميكالىق ءوسۋدى ارتتىرۋعا باعىتتالعان سوڭعى شارالار نەگىزىندە كوتەردى.

اۆتور
زارينا تۋعانبايەۆا