قىتاي فۋتبول فەدەراتسياسىنىڭ بۇرىنعى باسشىسى پارا العانى ءۇشىن ءومىر بويىنا سوتتالدى

استانا. KAZINFORM - قىتاي فۋتبول قاۋىمداستىعىنىڭ بۇرىنعى ءتوراعاسى چەن سيۋيۋان پارا العانى ءۇشىن ءومىر بويىنا باس بوستاندىعىنان ايىرىلدى. بۇل ۇكىمدى قىتاي حالىق رەسپۋبليكاسىنىڭ حالىق سوتى شىعاردى، دەپ حابارلادى شينحۋا اگەنتتىگى.

ەكس- شەنەۋنىكتىڭ بارلىق جەكە مۇلكى تاركىلەنىپ، پارا الۋدان تۇسكەن زاڭسىز كىرىس مەملەكەت قازىناسىنا قايتارىلدى.

چەن سيۋيۋان 2010-2023 -جىلدار ارالىعىندا شاڭحاي حالىقارالىق پورت كورپوراتسياسى (توبى) مەن قىتاي فۋتبول قاۋىمداستىعىندا باسشىلىق قىزمەتتەر اتقارا ءجۇرىپ، جالپى سوماسى 81 ميلليون يۋاننان استام پارا العان.

قىتاي فۋتبول قاۋىمداستىعىندا بولعان كەزىندە ول ءبىرقاتار فۋتبول كلۋبتارى مەن جەرگىلىكتى فۋتبول قاۋىمداستىقتارى ءۇشىن ماتچتاردى ۇيىمداستىرۋ، ليگانى ىلگەرىلەتۋ، تورەشىلەرگە ايىپپۇل سالۋ جانە ت. ب. سياقتى ماسەلەلەردە زاڭسىز ارتىقشىلىقتارعا جول بەرىپ، ءادىل باسەكەلەستىك پەن ۇلتتىق فۋتبولعا ۇلكەن زيان كەلتىردى.

اۆتور

ەركەجان سماعۇلوۆا