قىتاي ءبىر جىلدا اۆتوموبيل ءوندىرىسى مەن ولاردى ساتۋ بويىنشا رەكورد ورناتتى

قىتايدىڭ اۆتوموبيل ونەركاسىبى قاۋىمداستىعىنىڭ جاريالاعان مالىمەتىنشە، 2023 -جىلى ەلدە اۆتوموبيلدەر ءوندىرىسى مەن ساتىلىمى سايكەسىنشە 30,161 ميلليون جانە 30,094 ميلليونعا جەتىپ، تيىسىنشە %11,6 جانە %12 عا وسكەن. ءبىر جىلداعى ءوندىرىس پەن ساتىلىم بويىنشا رەكوردتىق دەڭگەيگە جەتكەن، دەپ حابارلايدى قىتايدىڭ «ورتالىق حالىق راديوسى».

ولاردىڭ ىشىندە جاڭا ەنەرگەتيكالىق كولىك قۇرالدارىن ءوندىرۋ جانە ساتۋ 9,587 ميلليون جانە 9,495 ميلليونعا جەتىپ، تيىسىنشە 5,8 عا جانە 7,9 عا ۇلعايدى، ال نارىق ۇلەسى 1,6 عا جەتكەن.

قىتايلىق ب ا ق-تىڭ كەلتىرگەن مالىمەتىنە سۇيەنسەك، قازىر ەلەكتروموبيلدەر قىتاي اۆتوكولىك ونەركاسىبىنىڭ ماڭىزدى بولىگىنە اينالىپ، ەكسپورت بويىنشا جوعارى كورسەتكىشكە قول جەتكىزگەن. 2023 -جىلدىڭ سوڭىندا، قىتايدىڭ ءوز ماركاسى بيۆايدي (BYD) دۇنيەجۇزىندەگى ەڭ ۇلكەن ەلەكترلىك كولىكتەر جاسايتىن كاسىپورىنعا اينالدى.

بولاشاقتا قىتاي دۇنيەجۇزىندە ەڭ كوپ كولىك ەكسپورتتايتىن ەلگە اينالۋدى ماقسات ەتىپ وتىر.

اۆتور

بەيسەن سۇلتان ۇلى