قىتاي عارىشكەرلەرىن دايارلاۋ ورتالىعىنىڭ مالىمەتىنشە، «تيانگۋن» عارىش ستانسياسىندا سالات جاپىراعى، ءسابىز، كۇنباعىس، كارتوپ جانە بيداي ءوسىرىلىپ جاتىر. 2025-جىلى ستانسياعا وسىمدىكتەردى اەروپونيكا ادىسىمەن، ياعني توپىراقسىز وسىرۋگە ارنالعان تيىمدىلىگى جوعارى قوندىرعى جەتكىزىلدى.
بيداي عارىشتا ءوسۋدىڭ تولىق سيكلىنەن ءوتىپ ۇلگەردى. قازىر جينالعان تۇقىمنان الىنعان ەكىنشى ءونىمنىڭ دە ءتۇسىمى جاقىنداپ قالدى.
ورتالىقتىڭ مالىمەتىنشە، ستانسيادا وسىمدىكتەردى وسىرۋگە ارنالعان ەكى جۇيە تۇراقتى جۇمىس ىستەيدى. ونىڭ ءبىرى ارنايى سۋبستراتتى پايدالانسا، ەكىنشىسى اەروپونيكا ادىسىنە نەگىزدەلگەن. بۇل جۇيەلەر سۋدى، اۋانى جانە ازىق-تۇلىكتى تىكەلەي عارىشتا الىپ، قايتا وڭدەۋگە مۇمكىندىك بەرەتىن تۇيىق تىرشىلىكتى قامتاماسىز ەتۋ جۇيەسىن ازىرلەۋ ءۇشىن قولدانىلىپ جاتىر.
قىتاي ايدى يگەرۋدىڭ كەلەسى كەزەڭدەرى اياسىندا «اي باعىن» دا قۇرۋدى جوسپارلاپ وتىر.
ايتا كەتەيىك، قازاقستان مەن كورەيا عارىش سالاسىنداعى جاڭا باعىتتاردى ايقىندادى.