وسىلايشا ولار ءدال كۆانتتىق ولشەۋ سالاسىن اتوم يادروسى دەڭگەيىنە دەيىن كەڭەيتتى. بۇل تۋرالى Kazinform اگەنتتىگىنىڭ بەيجىڭدەگى مەنشىكتى ءتىلشىسى Xinhua اگەنتتىگىنە سىلتەمە جاساپ حابارلايدى.
قۇرىلعىنى جاساۋ ءۇشىن شينحۋا ۋنيۆەرسيتەتى مەن بەيجىڭ كۆانتتىق اقپارات ينستيتۋتىنىڭ ماماندار توبى دوتسەنت دين شيتسياننىڭ جەتەكشىلىگىمەن تولقىن ۇزىندىعى 148 نانومەتر بولاتىن ۇزدىكسىز ۆاكۋۋمدىق ۋلتراكۇلگىن لازەر ازىرلەدى. سونىمەن قاتار ولار توري-229 قوسىلعان كالتسي فتوريدىنىڭ كريستالىن جاساپ شىعاردى.
ديننىڭ ايتۋىنشا، جاڭا ساعاتتاردىڭ جيىلىك تۇراقتىلىعى وسىعان ۇقساس جوبامەن اينالىسقان ەۋروپالىق زەرتتەۋشىلەردىڭ ناتيجەسىنەن شامامەن ون ەسەگە جوعارى بولعان.
- يادرولىق وپتيكالىق ساعات ۋاقىت پەن جيىلىكتىڭ جاڭا بۋىن ەتالونىنا اينالادى. ونىڭ ءساتتى جاسالۋى وسى عاسىرداعى كۆانتتىق ءدال ولشەۋ سالاسىنداعى ءىرى جەتىستىك بولدى، - دەدى شينحۋا ۋنيۆەرسيتەتى فيزيكا كافەدراسىنىڭ مەڭگەرۋشىسى چجاي حۋەي.
قاتتى دەنەلى يادرولىق ساعاتتىڭ جاسالۋى ونى بولاشاقتا ىقشامداپ، سپۋتنيكتىك ناۆيگاتسيادا، سونداي-اق الىس عارىشتى زەرتتەۋدە قولدانۋعا تەحنولوگيالىق نەگىز قالايدى.
بۇعان دەيىن قىتاي اتوم قۇپياسىن زەرتتەۋ ءۇشىن الەمدەگى ەڭ قۋاتتى بولشەكتەر ۇدەتكىشىن ىسكە قوسقانى حابارلانعان بولاتىن.