قىتاي بيلىگى سۋ تاسقىنى سالدارىن جويۋعا 30 ميلليون دوللار ءبولدى

استانا. KAZINFORM - قىتايدىڭ وڭتۇستىك وڭىرلەرىندە سۋ تاسقىنى قاۋپىنە بايلانىستى ەلدىڭ سۋ تاسقىنى مەن قۇرعاقشىلىققا قارسى كۇرەس جونىندەگى مەملەكەتتىك شتابى توتەنشە ارەكەت ەتۋدىڭ 4-دەڭگەيىن ەنگىزدى.

2025-جىلعى 18-23-ماۋسىم ارالىعىندا قىتايدىڭ وڭتۇستىك ايماقتارىندا قاتتى نوسەر جاۋىن جاۋىپ، كەيبىر وڭىرلەردە 300 م م- دەن استام جاۋىن-شاشىن تىركەلگەن.

گۋيچجوۋ پروۆينتسياسىنداعى توتەنشە جاعدايدان كەيىن بۇلىنگەن ينفراقۇرىلىمدى قالپىنا كەلتىرۋ ءۇشىن ەلدىڭ ورتالىق بيۋدجەتىنەن 100 ميلليون يۋان (شامامەن 15 ميلليون ا ق ش دوللارى) ءبولىندى.

سونداي-اق گۋاندۋن مەن حۋنان پروۆينتسيالارىنا ماتەريالدىق-تەحنيكالىق كومەك رەتىندە قوسىمشا 100 ميلليون يۋان باعىتتالدى.

قىتاي بيلىگى تابيعات اپاتىنان ەڭ كوپ زارداپ شەككەن گۋيچجوۋ پروۆينتسياسىنا ارنايى جۇمىس توبىن جىبەرىپ، جەرگىلىكتى بيلىككە قولداۋ كورسەتىپ، توتەنشە جاعداي سالدارىن جويۋ شارالارىن ۇيلەستىرىپ وتىر.

ايتا كەتەيىك، قىتايدا سۋ تاسقىنىنا قاتىستى توتەنشە جاعدايلارعا دەن قويۋدىڭ ءتورت دەڭگەيلى جۇيەسى قولدانىلادى. قازىرگى ەنگىزىلگەن 4-دەڭگەي - ەڭ تومەنگى، الايدا ول اۋقىمدى دايىندىق شارالارىن قاجەت ەتەتىن ناقتى قاۋىپتىڭ بار ەكەنىن بىلدىرەدى.

قىتايدا سۋ تاسقىنى سالدارىنان 80 مىڭنان استام ادام ەۆاكۋاتسيالاندى.