قىتاي بازالىق نەسيە مولشەرلەمەسىن تومەندەتتى

استانا. KAZINFORM - دۇيسەنبىدە قىتاي بازالىق مولشەرلەمەلەرىن 25 بازيستىك تارماققا تومەندەتتى. قارجى ساراپشىلارىنىڭ اتاپ وتۋىنشە، بۇل شارا قىتاي ەكونوميكاسىنىڭ وسۋىنە ىقپال ەتەدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.

ۇلتتىق بانكارالىق قارجىلاندىرۋ ورتالىعىنىڭ مالىمەتىنشە، ءبىر جىل مەرزىمگە بازالىق مولشەرلەمە (LPR) 3,1% عا دەيىن (بۇرىن %3,35)، ال بەس جىلدان استام مەرزىمگە بازالىق مولشەرلەمە %3,6 عا دەيىن (بۇرىن %3,85) تومەندەتىلدى.

بۇل تومەندەۋ بيىلعى ءۇشىنشى جانە ەڭ ماڭىزدىسى بولدى.

«مولشەرلەمەنى تۇزەتۋ دامۋ بويىنشا ءبىرقاتار جوعارى ساپالى شارالارىمەن بىرگە تۇتاستاي العاندا ەكونوميكانىڭ تۇراقتى وسۋىنە ىقپال ەتەدى»، - دەپ كەلتىردى Global Times شاڭحايداعى E-house China زەرتتەۋ ينستيتۋتىنىڭ ۆيتسە-پرەزيدەنتى يان يۋەجيننىڭ سوزدەرىن.

ونىڭ پىكىرىنشە، جىلجىمايتىن مۇلىك سەكتورى ءۇشىن مولشەرلەمەنىڭ تومەندەۋى باسپانا قۇنىن ايتارلىقتاي تومەندەتىپ، اي سايىنعى تولەمدەرگە قىسىمدى ازايتادى.

بۇعان دەيىن قىتاي حالىق بانكى (ورتالىق بانك) ەكونوميكانى ىنتالاندىرۋ بويىنشا ءبىرقاتار جاڭا شارا، سونىڭ ىشىندە بۇرىننان بار ۇيلەردەگى يپوتەكالىق نەسيە مولشەرلەمەلەرىن تومەندەتۋدى جانە قور نارىعىن قولداۋدىڭ جاڭا قۇرالدارىن ەنگىزۋدى جوسپارلاپ وتىرعانىن حابارلاعان بولاتىن.

ەسكە سالا كەتسەك، قىتايدا العاشقى 3-توقساندا جاڭا بانكتىك نەسيەلەندىرۋ كولەمى 2,2 تريلليون دوللاردان استى.

اۆتور
زارينا تۋعانبايەۆا