قىتاي ايفوننان نەگە باس تارتۋدا؟
استانا. KAZINFORM - قىتايدا جەرگىلىكتى Huawei-مەن قاتاڭ باسەكەنىڭ اسەرىمەن iPhone ساتىلىمى تومەندەگەن. جىلدىڭ باسىنان بەرى امەريكالىق سمارتفونداردىڭ ساتىلىمى بىلتىرعىمەن سالىستىرعاندا 24 پايىزعا ازايعان.
2024 -جىلدىڭ العاشقى التى اپتاسىندا قىتايداعى سمارتفونداردىڭ جالپى ساتىلىمى 7 پايىزعا تومەندەگەنىن Quartz سايتى حابارلادى. ونىڭ ىشىندە iPhone ساتىلىمى نەلىكتەن قۇلدىراپ كەتكەنىن Aikyn.kz تۇسىندىرەدى.
جاڭا مالىمەتتەر بويىنشا، Apple-دىڭ ا ق ش پەن ەۋروپالىق وداقتاعى قيىن كەزەڭدەرى قىتايدا دا جالعاسۋدا. iPhone ساتىلىمى 2024 -جىلدىڭ العاشقى التى اپتاسىندا وتكەن جىلمەن سالىستىرعاندا بىردەن 24 پايىز تومەندەگەن.
بۇعان سمارتفونداردىڭ جاڭا سەرياسىن شىعارۋ ارقىلى جاندانىپ جاتقان قىتايلىق Huawei كومپانياسىمەن باسەكەلەستىكتىڭ دە اسەرى كۇشتى بولعان.
Counterpoint Research ساراپشىلارى وتكەن جىلدىڭ قاڭتارىنداعى iPhone ساتىلىمىنىڭ «انومالدى كۇشتى» ساتىلىمى 2022 -جىلدىڭ جەلتوقسانىنداعى ءوندىرىس پروبلەمالارىنا بايلانىستى بولدى، بۇل بيىلعى قۇلدىراۋدى كۇشەيتتى دەيدى.
سمارتفونداردى ساتۋ بويىنشا قىتايلىق كومپانيالارمەن باسەكەلەسۋمەن قاتار، Apple كومپانياسى «Oppo, Vivo جانە Xiaomi سياقتى وندىرۋشىلەردىڭ اگرەسسيۆتى باعانىڭ ورتاسىندا قالعانىن» Counterpoint Research اعا ساراپشىسى مەنمىن جان دا مويىندايدى.
ساراپشىلار iPhone 15 تاماشا قۇرىلعى بولعانىمەن، ول الدىڭعى نۇسقامەن سالىستىرعاندا ايتارلىقتاي جاڭارتۋلاردى ۇسىنبايدى، سوندىقتان تۇتىنۋشىلار ەسكى 14 iPhone نان باس تارتپاي وتىرعانىن ايتۋدا.
Huawei ۇلكەن سۇرانىسقا يە بولعان Mate 60 سەريالى سمارتفوندارىن شىعارعانىمەن، ساراپشىلار قىتايداعى سمارتفونداردىڭ جالپى ساتىلىمى جىلدىڭ العاشقى التى اپتاسىندا وتكەن جىلمەن سالىستىرعاندا 7 پايىزعا تومەندەگەنىن انىقتادى.
Oppo ساتىلىمى وتكەن جىلمەن سالىستىرعاندا 29 پايىز، ال Xiaomi ساتىلىمى وتكەن جىلمەن سالىستىرعاندا 7 پايىز تومەندەگەن. ساراپشىلاردىڭ پىكىرىنشە، جىلدىڭ ءبىرىنشى توقسانىندا ءوسىم تەرىس بولىپ قالۋى مۇمكىن، ويتكەنى تۇتىنۋشىلار بەلسەندى ەمەس، ونىڭ ۇستىنە كومپانيالار جاڭا ونىمدەردى از شىعارعان.
«تۇتىنۋشىلاردىڭ سەنىمىن ارتتىرۋ نارىقتى تۇراقتاندىرۋ ءۇشىن قاجەت، ءبىراق بۇل قازىر جىلجىمايتىن مۇلىك سەكتورىنداعى قيىندىقتارمەن بايلانىستى. Apple عا كەلەتىن بولساق، قىسقامەرزىمدى پەرسپەكتيۆادا ونىڭ مانيەۆر جاساۋ مۇمكىندىگى كوبىرەك. وسى دەمالىس كۇنىندەگى اگرەسسيۆتى جارنامالار سونىڭ ءبىر عانا مىسالى»، - دەيدى Counterpoint Research-تىڭ تاعى ءبىر اعا ساراپشىسى يۆان لام.
Apple اكتسيالارى سەيسەنبىدە (5-اقپاندا) نارىققا دەيىنگى ساۋدادا شامامەن 2 پايىزعا تومەندەگەن جانە 2024 -جىلعا دەيىن 6 پايىزعا جۋىق تومەندەدى.
ءبىر اپتادان از ۋاقىت ىشىندە Apple ءوزىنىڭ كوپتەن بەرگى العا جىلجي قويماعان ەلەكتروموبيل جوباسىن جاۋىپ تاستادى، Goldman Sachs-تىڭ ۇزدىك اكتسيالار تىزىمىنەن شىعارىلدى، ەۋروپاداعى iPhone تەلەفوندارىنداعى ۆەب-قولدانبالار ماسەلەسىنەن باس تارتتى.
وسىنىڭ ءبارىنىڭ اسەرى وسى اپتادا كورىنە باستادى. ەۋروپادا Spotify جانە باسقا مۋزىكالىق اعىندىق پلاتفورمالارداعى وكىلەتتىكتەرىن «تەرىس پايدالانعانى» ءۇشىن 2 ميلليارد دوللار ايىپپۇل تولەدى. ماماندار وسىمەن امەريكالىق الپاۋىت كومپانيانىڭ قيىندىقتارى ارتتا قالىپ، نارىقتاعى جاعدايى ەندى تۇزەلە باستايتىنىنا سەنەدى.